C Liverpool chuan Bayer Leverkusen leh Netherlands defender Jeremie Frimpong lak tumin an ngaihven. Frimpong hi an la a nih chuan Trent Alexander-Arnold chu midfield-ah an chhawr dawn tihna a ni ang. (Football Insider)
C Manchester United leh Newcastle te chu sporting director Dan Ashworth zangnadawmna chungchangah inremna an la nei thei lo. (Guardian)
C Arsenal leh Chelsea te chuan uluk zual zawkin Brentford leh England striker Ivan Toney an thlithlai. Toney hi nipui bazar inhawn hunah £40m sengin a lakchhuah theih ang. (Florian Plettenberg)
C An manager Ruben Amorim chu Liverpool nen sawizawm an nih vangin Sweden striker Viktor Gyokeres-a agent chuan Sporting Lisbon a cham chhunzawm a har viau dawn nia a hriat thu a sawi. (A Bola – in Portuguese)
C Nipui bazar inhawn hunah David Moyes a chhuak a nih chuan Lille manager Paulo Fonseca chu West Ham United manager thar ni tura rinkai ber a ni. (The i)
C Nipui bazar inhawn hunah Manchester United chuan an manager Erik ten Hag an ban ngei tura ngaih a ni a. Chelsea leh Brighton boss hlui Graham Potter chu United manager thar ni thei zingah a tel. United neitu thar Sir Jim Ratcliffe nen meeting an neih hnuin Ten Hag hi an ban ngei dawn nia hriat a ni. (Sun)
C Chelsea chuan nipui bazar inhawn hunah Napoli leh Nigeria striker Victor Osimhen lak an tum dawn a. Osimhen la thei turin an player neih mek an hralh hmasak zet a ngai dawn thung. (Football Transfers)
C Chelsea boss Mauricio Pochettino leh an coach te chu Ukraine forward Mykhaylo Mudryk-a hmasawnna in a tilawm zo lova, Blues hian nipui bazar inhawn hunah winger thar lak tur an zawng dawn. (Football Insider)
C Bayer Leverkusen chuan Liverpool leh Tottenham in lak tuma an ngaihven Leeds United winger Crysencio Summerville an ngaihven thar ve leh. (Bild)
C Manchester United chuan AC Milan leh Portugal forward Rafael Leao an hmu tai a. Italia club lian Milan hian kum 24 mi Leao hi 145m euros (£124m) zet an chhiar thung. (Fichajes – in Spanish)
C Aston Villa chuan Brazil midfielder Douglas Luiz chu contract thar ziak turin an hmin theih an inbeisei sang ta hle. (Talksport)
C Shakhtar Donetsk chu Ukraine midfielder Georgiy Sudakov hralh turin an inbuatsaih a. Kum 21 mi hi Liverpool, Aston Villa, Arsenal leh Manchester City ten lak tumin an ngaihven hlawm. (HITC)
C Inter Milan defender Denzel Dumfries chu Aston Villa in lak an tum dawn a, Italian club hian 2025 a contract hmang zo tur kum 27 mi hi 30m euros (£25.7m) chuangin hralh theih an inbeisei. (Calciomercato – in Italian)
C Manchester United chuan nipui bazar inhawn hunah intuai thar ve an tum a, an player 12 vel zet hralh an tum. (FourFourTwo)
C German goalkeeper Alexander Nubel chuan Bayern Munich-ah contract thar ziah belh leh a tum a. Contract thar a ziak a nih pawhin loan-a a zawm mek Stuttgart ah a khelh chhunzawm hmel tho thung. (Bild)