C Premier League club atanga kum 18 mi Santos defender Joao Pedro Chermont ngaihven zingah Arsenal, Wolves, Everton leh Chelsea te an tel. (Caught Offside)
C Juventus sporting director Cristiano Giuntoli chuan Serbia striker Dusan Vlahovic nen contract thar chungchanga an indawr thu a sawi. (DAZN, via Tuttomercatoweb)
C Manchester United chuan thawh lehni khan an manager Erik ten Hag hma lam hun turah thutlukna siam fel an tum a. Ten Hag hi an ban a nih chuan a hmunruak lo luah lailawktu atan Ruud van Nistelrooy an ruat ang. (Guardian)
C Manchester United in Ten Hag hmunruak luahtu atana an duh zual zingah German Thomas Tuchel a tel. (Manchester Evening News)
C Dutchman Ten Hag hian season tharah bul tan chhe viau mah se Manchester United thuneituten a lakah rinna nghatin, hun tha dang an la pek a la beisei fan. (ESPN)
C Liverpool chuan Eintacht Frankfurt leh Egypt striker Omar Marmoush an ngaihven. Kum 25 mi hi Nottingham Forest leh Aston Villa ten nipui bazar inhawn lai khan lak an lo duh ve tawh bawk. (Sky Germany – in German)
C EPL club lian zawk Liverpool, Arsenal, Manchester City leh Chelsea ten an ngaihve vangin West Ham chuan Ghana midfielder Mohammed Kudus chu nipui bazar inhawn hunah a man chhiar to hle an tum. (Football Insider)
C Newcastle chuan nipui bazars inhawn hunah Bayern Munich a contract hmang zo tur Germany winger Leroy Sane lak ngei an tum dawn. (Football Insider)
C Bayern Munich chuan Germany playmaker Jamal Musiala chu chelh ngei an duh a. Real Madrid emaw, Manchester City emaw a zawm lo a nih chuan Musiala hi an player hlawh hnem ber Harry Kane hlawh zat chawlhkar khatah £400,000 hlawhtir an huam. (Sky Germany – in German)
C Wolves chuan an set-piece coach Jack Wilson ban bawk mah se an head coach Gary O’Neil erawh an la thlawp tha viau thung. (Sky Sports)
C Barcelona chuan Lille keh Canada striker Jonathan David an hmutai hle. (Todofichajes – in Spanish)