c Hlawh tam zawk an pek theih dawn loh vangin Barcelona leh Ousmane Dembele te contract thar chungchanga an indawrna tihtawp a ni. (Sport – in Spanish)
c Season tawp hmaa David Moyes an ban a nih chuan West Ham chuan an manager thar atan Rafael Benitez ruat an tum. (Football Insider)
c PSG chuan Chelsea leh Morocco winger Hakim Ziyech ngaihven nawn leh an tum. (Football Insider)
c Real Madrid in an ban a nih chuan Carlo Ancelotti chu Chelsea in rawih nawn leh an tum. (ESPN)
c Paris St-Germain in kum 2024 hma zawng chu Kylian Mbappe hralh an tum lo tur tih an sawi chian tak vangin Mbappe ngaihventu Real Madrid chu hnara khawn ang hlauh an ni nawn leh. (Sport – in Spanish)
c AC Milan chuan kum 41 mi Sweden striker Zlatan Ibrahimovic hnenah contract thar zawrh an tum tawh lo. (FootMercato – in French)
c Manchester City stadium Etihad Stadium chu British & Irish in Euro 2028 thlen an tumna khelmual 10 an thlan zingah Old Trafford aiin thla a ni. (Times – subscription)
c Aston Villa chuan tunhnaia khel tha tak England striker Ollie Watkins chu contract thar chungchangah an dawr. (Mail)
c Inremna an nei fel hman tep tawh tihah Leeds United manager hlui Jesse Marsch chuan a rilru a thlak a, Leicester City enkawl lo turin thutlukna a siam leh ta zawk. (Telegraph – subscription)
c AC Milan chuan Reims ah loan a khel mek Arsenal leh England Under-21 striker Folarin Balogun chu nipui bazar inhawn huna lak an tum zingah an telh thar. Gunners hian kum 21 mi Balogun hi 30m euros (£26.5m) chuang zet an chhiar tura ngaih a ni. (Calciomercato – in Italian)
c Tottenham chu Chelsea leh Morocco winger Hakim Ziyech ngaihven zingah an tel. (Football Insider)
c Manchester United chuan nipui bazar inhawn hunah lak an tum zingah Brighton midfielder Moises Caicedo leh Argentina midfielder Alexis Mac Allister te an telh. (Telegraph – subscription)
c Saudi Arabia atanga sawmna a hnar hnuin France striker Karim Benzema chuan a lo berah pawh season khat tal chu Real Madrid ah cham chhunzawm a duh. (Marca – in Spanish)
c Chelsea leh Liverpool te chuan kum 26 mi Italy midfielder Nicolo Barella lak an rilruk. Inter Milan chu £44m vel bawra Barella hralh turin an inbuatsaih. (Calciomercato via Sun)
c Manchester United leh Monaco te France defender Axel Disasi chungchanga an indawrna chu a hlawhtlin theih a beiseiawm. (Give Me Sport)
c Bayern Munich in Bayer Leverkusen leh Netherlands defender Jeremie Frimpong an lak khalh a nih chuan Manchester United chuan Bayern Munich defender Benjamin Pavard lak an tum ve dawn. (Football Insider)
c Spain goalkeeper David Raya chuan Brentford-ah contract thar ziah a tum tawh lo. (Fabrizio Romano)
c Everton chuan Wolves atanga an hawh mek England centre-back Conor Coady hma lam hun tur chungchangah thutlukna an la siam lo. (Liverpool Echo)
c Bologna chuan Birmingham City midfielder Jordan James lak tum mek Leicester City an chuhpui dawn a, inelna hmachhawn turin an inpeih. (Sun)
c Season tawp ruala contract hmang zo tur France midfielder Adrien Rabiot chuan contract thar chungchang sawiho turin club an nghah mek thu a sawi. (Fabrizio Romano)
c Borussia Dortmund leh Germany winger Marco Reus chuan season tawp rualin contract a hmang zo dawn a. A hlawh tihhniam ngai dawn mahse Dortmund ah cham chhunzawm a tum. (Bild – in German)
c Barcelona coach Xavi Hernandez chuan an captain Sergio Busquets chu MLS club a zawm hmain an hnenah season khat tal cham leh phawt turin a duh. (Goal)
c England manager hlui Sam Allardyce chu rin loh takin Leicester City manager thar ni thei zingah a tel tih hailan a ni. (Football Insider)
c Newcastle United chuan Belgium midfielder Youri Tielemans chu Leicester City-a contract a hman zawh hunah lak an duh. (Football Insider)
c Leeds United manager hlui Marcelo Bielsa chuan Uruguay coach thar nih a remti. (TyC Sports)