C Manchester City chuan March thlaah hremna tuar zova kir leh thei tur France midfielder Paul Pogba lak an rilruk. Mah se, Manchester United player hlui hian City zawm a hreh nia hriat a ni thung. (Independent)
C Newcastle United chuan Arsenal leh Liverpool ten lak an tum West Ham winger Mohammed Kudus chu lak an duh ve a. Mah se kum 24 mi Kudus la thei tur chuan Magpies hian an player neihsa an hralh hmasak zet a ngai dawn thung. (Mirror)
C Nipui bazar inhawn huna contract hmang zo tur Liverpool leh England defender Trent Alexander-Arnold chuan contract thar chungchanga club nen an indawrna chu vangtlang hriata sawi tlang than chiam a phal lo. (Sky Sports)
C Alexander-Arnold hi Real Madrid in lak an tum ber a ni zui zel a. La Liga champion hian kum 32 mi Belgium goalkeeper Thibaut Courtois pawh contract thar ziahpui an duh bawk. (Fabrizio Romano via Teamtalk)
C Manchester United manager Ruben Amorim chuan January thlaah a squad thuamchak thar a tum a, left-back, striker leh central midfielder lak thar a tum dawn. (Football Insider)
C Manchester City chuan kum nga liam taa Celtic lama an hralh chhuah tawh Netherlands wing-back Jeremie Frimpong chu Bayer Leverkusen atangin lak let leh an duh. (Football Insider)
C Bayern Munich sporting director Max Eberl chuan January thlaah hliam vanga chawl mek England striker Harry Kane hmunruak luahtu tur lak an tum loh thu a sawi. (Sky Sports Germany)
C England international Anthony Gordon chuan nipui bazar inhawn hunah Newcastle chhuahsan a, Liverpool zawm a duh niawm a thuthang awm chu a pha a. St James’ Park-ah a la hlim tawk tih a sawi. (Sky Sports)
C Wolves leh Nottingham Forest te chu Atalant defender Ben Godfrey lak tuma intlansiaknaah an inel fal. Kum 26 mi hian nipui bazar liam ta khan Everton atangin Juventus a zawm a. Serie A-ah vawi li chauh a la khelh vangin EPL lamah kir leh a duh der tawh. (Sun)
C AC Milan chuan contract thar ziahpui tuma an dawr mek France left-back Theo Hernandez chu an indawrna in hma a sawn hleithei lo a nih chuan January thlaah hralh an hreh lo. (Gazzetta dello Sport – in Italian)
C Bayer Leverkusen leh Germany midfielder Florian Wirt leh Newcastle midfielder Bruno Guimaraes te chu Manchester City in lak an tum tih tarlan a ni. (Times – subscription required)
C Man City boss Pep Guardiola chuan Real Sociedad leh Spain midfielder Martin Zubimendi lak a duh bawk. (ESPN)
C Chelsea leh Liverpool te chuan defender Milos Kerkez lak an duh a. Bournemouth chuan Serbia international chelh chhunzawm turin hna hautak tak an thawh a ngai dawn. (Football Insider)
C Mikel Arteta chuan Juventus leh Serbia forward Dusan Vlahovic chu January thlaah la lutin an tlarhma thuamchak ngei a duh. (Caught Offside)
C Real Madrid chu AC Milan defender Theo Hernandez lak tuma inelna atangin an inhnukdawk a, kum 27 mi tan hian Manchester United panna kawng a inhawngzau leh zual. (Fichajes – in Spanish)
C Manchester United leh Cerro Porteno te chuan kum 17 Paraguay left-back Diego Leon chungchangah tawngkain inremna an nei thei ta. (Fabrizio Romano)
C RB Leipzig chuan Paris St-Germain forward Xavi Simons chu a nghetin lak luh an duh a, mah se Liverpool nen an inel a ngai dawn thung. (Caught Offside)
C Dawrna pawmawm tak an hmu a nih chuan Manchester United chuan Denmark midfielder Christian Eriksen chu January thlaah an hralh ang. (Florian Plettenberg)
C Everton chuan January thlaah Lyon leh Ghana winger Ernest Nuamah lak tumin hma an la. (Football Insider)
C Dan Friedkin a kaihruai sumdawng pawl lian tan chuan Everton an lei fel thei tep tawh a. Tunkar chhungin Everton hi an rochun fel thei tura ngaih a ni. (Times – subscription required)
C Friedkin Group in Everton an rochun thuai dawn vangin manager Sean Dyche chu an ban chuk chuk a rinawm rih lo. (Football Insider)
C Tottenham chuan RB Leipzig atanga an hawh mek Germany striker Timo Werner chu a ngheta lak tumna an nei lo. (GiveMeSport)