c Chelsea chuan an manager thar atan Mauricio Pochettino a ruat a rinawm chhunzawm zel a. Blues hian Inter Milan leh Cameroon si nghak Andre Onana chu an si nghak no 1 ni turin lak an duh. (Telegraph – subscription)
c Bayern Munich manager Julian Nagels-mann leh Tottenham te chu an indawr chhunzawm zel a. Nagelsmann hian inremna an neih fel hmain Manchester United nena sawizawm England striker Harry Kane hma lam hun tihchian phawt a duh. (Mirror)
c Borussia Dortmund leh England midfielder Jude Bellingham chuan Real Madrid zawm in, kum ruk daih contract ziah a tum. Kum 19 mi hian Real Madrid a zawm fel thei a nih chuan Real player zingah Eden Hazard dawta hlawh hnem ber a ni ang. (SER Deportivos via Mail)
c Borussia Dortmund manager Edin Terzic chuan Bellingham hnen atangin club dang zawm chungchang engmah hriat a la neih ve loh thu a sawi. (Goal)
c Manager Mikel Arteta chuan a contract tawp kum tur hmang mai tur France defender William Saliba chu contract thar ziak turin Arsenal in an hmin theih ngei a beisei. (Times – subscription)
c Liverpool leh Paris St-Germain te chuan Sporting Lisbon leh Portugal defender Goncalo Inacio an ngaihven. (Le Parisien – in French)
c Manchester United manager Erik ten Hag chuan Bayer Leverkusen atangin Dutch defender Jeremie Frimpong lak a duh. (Mirror)
c Manchester United chuan Burnley atanga an hawh Wout Weghorst chu a ngheta lak tuma an nei lo. (Manchester Evening News)
c Croatia midfielder Luka Modric chuan kum 2024 thleng cham turin Real Madrid-ah contract pawhsei a tum. (Relevo – in Spanish)
c Manchester City chuan England Under-16 goalkeeper Spike Brits chu AFC Wimbledon atangin an la fel thei tep tawh. (Fabrizio Romano)
c Arsenal chuan Dinamo Zagreb leh Croatia defender Josip Sutalo an ngaihven. (Evening Standard)
c Wolves chuan £25m senga lak theih tur Coventry City striker Viktor Gyokeres an ngaihven a. Burnley leh Leeds te pawhin Gyokeres hi an hmutai ve bawk. (TalkSport)
c Barcelona chuan Manchester City leh Germany midfielder Ilkay Gundogan lak tuma an dawrna chu a hmar bawkin, an lak luh theih ngei an inring. (90min)
c Season tawp hunah PSG chuan inthuam chak thar an tum viau a, Manchester City leh Portugal midfielder Bernardo Silva chu lak an tum zual zingah an dah. (Le10 Sport – in French)
c Aston Villa chu Juventus atanga Serbia forward Dusan Vlahovic lak tumin an inbuatsaih. (Football Insider)
c Tottenham chuan Barcelona hnenah Ivory Coast midfielder Franck Kessie lei an phalna zat chhiar turin an ngen. (Sport – in Spanish)
c Liverpool chuan Brighton chu kum 24 mi Argentina midfielder Alexis Mac Allister chungchangah an la dawr lo. (Athletic)
c Barcelona in sum harsatna an tawh chhoh vangin Manchester United in lak tuma an hel fo Dutch midfielder Frenkie de Jong an lak theih a rinawm. (Express)
c Napoli president Aurelio de Laurentiis chuan European club tha tak takte nena sawizawm Nigeria striker Victor Osimhen chu hralh tumna an neih loh thu a sawi. (Cinque Minuti, via Mail)
c Gabon captain hlui Pierre-Emerick Aubameyang chuan season tawp rualin Chelsea chhuahsan a tum a. Kum 33 mi hian a lo khelh ve zuai tawhna Barcelona ah let leh a duh. (Fabrizio Romano)
c Aston Villa chuan Fulham Portugal midfielder Joao Palhinha mana an chhiar zat £60m chu sen an hreh lo. (Football Insider)
c Portugal international Joao Cancelo-a agent chuan Barcelona a hmu a, Bayern Munich-ah loan a khel mek Manchester City defender lak chungchang a sawipui. (Sport – in Spanish)
c Manchester City chuan Borussia Dortmund atanga England midfielder Jude Bellingham an la thei lo a nih chuan Liverpool nena sawi zawm Bayern Munich midfielder Ryan Gravenberch lak an tum dawn. (Mirror)
c Khelhna hmun chang tam thei lo mah se Belgium forward Eden Hazard chuan club dang pana chhuak mai lovin, Real Madrid-a a contract hman zawh a tum. (Cadena Cope, via Marca)
c Roma leh France midfielder Houssem Aouar te chuan inremna an nei thei ta a. Kum 24 mi hian nipui bazar inhawn hunah Lyon-a contract hmang zo vin, Italian club hi a zawm dawn. (Sky Sports Italia – in Italian)
c Adam Lallana chuan Liverpool tana a khelhpui thin James Milner chu Brighton zawm turin a hmin a. Kum 37 mi Milner hian Brighton zawm turin inremna tluantling an nei thei tep tawh. (Football Insider)
c Brentford chuan Liverpool leh Republic of Ireland goalkeeper Caoimhin Kelleher lak an duh. (Sun)