Daily Newspaper

Force mite Covid Care Centre din dan zirtir

10

Zokhawsanga Assam Rifles hmunah army leh para-military lamten Covid Care Centre hrang hrang an buatsaih theihnan hriat tur leh tih tur an mamawhte chu Zirtawpni khan Health & Family Welfare Department-a mithiamten an zirtir.

Training- ah hian Indian Army, Assam Rifles, BSF leh BRTF mite telin State Nodal Officer for COVID-19 & IDSP Dr Pachuau Lalmalsawma leh ZMC Head of Medicine Dr PC Lalramenga bakah State IDSP atangin microbiologist-ten training an pe a ni.

Tunhnaiah army leh para-military mite zingah Covid-19 inkai a hluar chhoh avangin nasa taka tan lak a ngaih thu te, Covid Care Centre kalphung fel leh khauh zawka invawn a tul thute Dr Pachuau Lalmalsawma hian hrilhin, civil mite entawn tlak (model) ni turin a fuih.

Covid-19 sample lak leh thawn chungchangte, CCC leh quarantine centre uluk taka kalpui dan turte, Covid-19 positive-te enkawlna leh chhuah dan tur bakah hmanrua leh thawmhnaw hman tawh sawngbawl dante zirtir an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy