Ford Ecosport chuan Indian market-ah an kum 7 tlin champha an lawm ve thei ta a, chutih rual chuan Ecosport automatic, a man tlawm deuh chi, Titanium AT an tlangzarh nghal a, Delhi showroom-ah Rs 10,66,000 man a ni.
He car thar hian three-cylinder 1.5-litre petrol engine neiin, 120 bhp leh 149 Nm torque pechhuak thei a ni a, six-speed, torque converter automatic gearbox a nei bawk.
He Titanium automatic thar hian paddle shifter leh cruise control bakah start/stop button a nei a, touchscreen infotainment system neiin, connectivity application, FordPass a nei bawk. Cloud-connected hmanrua an dah sa a, chu chuan remote starting, stopping, locking leh unlocking a pui bawk.
