Daily Newspaper

Foreign atangin mi 300 chuang hruai haw tawh

11

Hripui vangin khawvel a buai a, ram hrang hrang atangin mi engemaw zatin mahni ram an pan sup sup a, foreign-a awm Mizo pawh mi 300 chuang hruai kir an ni.

A tir lam angin inhruai hi a ngai vak tawh lo a, ram danga awmte’n mahni rama haw an tum tawh lem lo. Mahni rama haw thenkhat phei chu an chhuak leh tawh zawk a, Mizoram dinhmun pawh chutiang tho chu a ni.

Inhruai haw buaipui tur hian Mizoram sorkar chuan Task Group on Migrant Workers and Stranded Travellers a din a, he task group hian Mizorama tangkhangte haw leh Mizoram pawna tangkhangte Mizorama hruai haw hnate an thawk a ni.

Task Group-in an chhinchhiah danin hrilen hnuah foreign atangin Mizoramah mi 320 hruai haw an ni a, a tam ber chu lawnga thawk an ni.

Lawnga thawk, seafarer hi mi 227 hruai haw an ni a, anni hi lawnga tang, lawng atanga India ram lawngchawlhna hmuna dah, chuta tanga Mizoram hruai thlen an ni.

Nepal atangin mi 45 hruai haw an ni a, Singapore atangin mi 13, Maldives atangin mi pasarih hruai haw niin, hrilen hmasakna China atangin mi paruk hruai haw an ni.

Mi dang

hi Australia, Israel, Kyrgystan, Malaysia, Mauritius, Myanmar, Phillipines, Sweden, UAE leh USA atangtea hruai haw an ni a, Mizo hi ram 14 leh lawng atanga hruai haw an ni.

Task Group hotute chuan inhruai haw hi a hma anga thawh a ngaih tawh loh thu an sawi a, tangkhang in-report chu an la awm thu leh, mahse khawvel ram hrang hrangah inkalpawhnate a pangngaia a kal leh tawh avangin a hma angin buaipui an ngaih tawh loh thu te an sawi. Puih ngai hi chu an awm zeuh zeuh chauh tawh tih an sawi bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy