France-ah silai hmehpuah vangin mi panga thi
France hmarchhak lam biala silai hmehpuah avangin mi panga an thi a, he pawikhawihna hi raltlante camp bulah thlengin, silai hmetpuaktu mipa kum 22 mi chu police te kutah a inpe nghal.
French media te tarlan danin Dunkirk tuipui kama awm Loon-Plage-ah mi pali – security guard pahnih leh camp-a awm mi pahnihte chu he pawikhawihtu hian a kaphlum niin khawpui chief prosecutor Charlotte Huet chuan a sawi.
Silai kengtu hian a hnua a inpuannaah he pawikhawihna a thlentir hma hian Wormhout-ah mi pakhat a kaphlum phawt niin a sawi bawk.
Dunkirk mayor Patrice Vergriete chuan silai hmetpuaktu hi police te kuta a inpek nghal avangin thil thlen dan a hriat chian theih thuai a beisei thu a sawi a, a pawikhawih chhan hi la hriat chian theih a la nih loh thu a sawi.
France-ah silai hmehpuah vangin mi panga thi
