Daily Newspaper

France in radical Islam lakah dan khauh zawk kalpui

25

France president Emmanuel Macron chuan radical Islam laka France secular values humhim nan ruahmanna tlangzarhin school kalpui dan nasa zawka enfiah leh mosque sak nana foreign funding te pawh tha zawka thunun a tel.

Islam chu sakhua ‘harsatna tawk mek’ tia sawiin Macron chuan school leh mosque a extremist religious zirtirna nuaibo tumnaah hmaih an neih dawn loh thu a sawi bawk.

Chutihrual chiah chuan Macron chuan France chuan immigrant community te hnenah economic leh social mobility tam zawk a pek tur thu sawiin heng te hi radical tena an luah thin a nih thu a sawi bawk.
“Islam hi khawvel hmun tinah sakhua harsatna tawk mek a ni a, kan ramah chauh a ni lo,” tiin Macron chuan a sawi a. Extremists te chuan sakhuaa inlet thar te hneh tumin chet an la thin tiin a sawi bawk a. France hi Europe a Muslim tamna ber ram a ni.

French rules bawhchhiaa ‘counter-society’ siam tuma chetlakna ‘Islamist seperatism’ chu a hnawl thu sawiin hetianga a bil te tea inlakhran tumna leh naupang te school atanga lakhrana sport, culture leh community activity dang te ‘an principle zirtirna remchanga hman’ hian France republic dan a kalh a ni, tiin Macron chuan a sawi bawk.

A sorkar chuan December thlaah France-in kum 1905 a Kohhran leh State thliarhranna dan a neih tichak tur bill an pharh tur thu a sawi bawk.

Ruahmanna siamthar turah private school a curriculam enfiah te leh naupang hriselna in a zir lo a nih ngawt loh chuan home-schooling phal a ni dawn lo bawk a.

Sorkar atanga subsidy dawng thin Community association te chuan contract ziak tawh dawnin France secularism leh values te humhim an intiam a ngai tawh dawn a ni. Heng Community association te hi uluk taka thlithlai ni dawnin anti-indoctrination rules bawhchhiate chu hriat an awlsam zual tawh dawn a ni.

He dan hian public servant te pawh huam vek dawnin Macron chuan tun hnaiah sub-contracting staff ten dan an bawhchhiatna a tam thu sawiin chung zingah chuan bus driver ten hmeichhia thawmhnaw inbel tlem lutuk tia bus chuan an phalsak loh te a tel thu a sawi bawk a.

France-a Islam chu foreign influence atanga chhuah zalen a ngai tia sawiin Saudi Arabia, Qatar leh Turkey te a lamchhuak a ni. Chu mi tur chuan sorkar chuan mosque saknaa foreign funding te uluk zawkin a thlithlai dawn a, Imams t training a ram pawna kal te leh French leilunga foreign preacher rawih chungchangah te enfiahna tha zawk a kalpui dawn bawk.

Macron chuan hmalakna thar an neih tur chu France Muslim te enhranna tur emaw niloin ‘huhova kan chen tlan theihzia’ tihchakna zawk tiin a sawi bawk a.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy