ndia ram Prime Minister Narendra Modi chuan July 13 khan official thil a France ram tlawh turin India a chhuah san a, ni hnih i.e., July 13 – 14 chhung France ah hian a cham ang. PM Modi chuan France ram pana a chhuah dawn hian he a zinna hian ram pahnih te inkarah inlaichinna thar a awm dawn thu leh France President Emmanuel Macron nen kum 25 lo kal leh tur thlenga inlaichinna tha kawng hrang hranga an siam dawn thu inring tawk takin a sawi a. Modi chuan France ram a zin tur chhan sawiin France ram National Day Or Bastile Day lawmna a khual zahawm a nih tur thu leh a tana thil special tak a nih thu a sawi bawk a ni.
France tana ni pawimawh tak an hman turah hian India chuan Tri-Services – Army, Navy leh Airforce contingent te a tir ve bawk a, Indian Air Force te chuan aircraft hmangin a lawmna chung vel ah an thlawk kual dawn a ni. PM Modi chuan, ‘Kumin hi India leh France te chuan inlaichinna tha tak mai kan neih kum 25 na lai a lo ni ta reng maia, hemi chhung hian ram pahnih te inkarah inrin tawnna thuk tak leh intiamkamna te a awm a, ram pahnih te chuan kawng hrang hranga thawhho na – ram venhim kawngah te, boruak leh van lam thawhho na te, civil nuclear te, tuipui chhung thiam taka hmanga ram economy chawikan (blue economy) kawngah te, insumdawn tawn leh Investment siam te, zirna leh hnam ziarang ah te leh mipui mimir inlaichinna kawng ah te thawh hona tha tak kan nei a ni’ tiin a sawi a. PM Modi chuan kum 2022-a France ram a tlawh atang khan President Macron chu vawi tamtak hmuh theihna hun a hmuh theih phah thu leh a bik takin May 2023 a G-7 summit neihna hmun Hiroshima, Japan ah pawh an in hmuh theih thu a sawi a ni.
PM Narendra Modi chuan, “France ram hotu lian – Ms. Elisabeth Borne te, Prime Minister Gerard Larcher te, Senate President leh Ms. Yael Braun-Pivet te, National Assembly President te” hmuh a tum thu a sawi bawk. He a zin chhung hian PM Modi chuan India khua leh tui mi tangkai tak tak te, CEOs lar tak tak te leh France ram khua leh tui mi hminthang tak tak te hmuh a tum thu a sawi bawk a ni.
PM Modi chuan, “He ka zin chhung hian ram pahnih te inkar ah inlaichinna thar leh tha tak tak a siam chhuak ngei ang”, tiin inringtawk takin a sawi a ni.
France ram tlawhin Prime Minister Narendra Modi a zin
