Daily Newspaper

Frederick ‘Toots’ Hibbert a thi

9

Reggae tih hming hmang hmasa bertu ni a an sawi hial reggae legend Frederick ‘Toots’ Hibbert, kum 77, chu an rama Zirtawpni zan khan a thi. A thih thu hi an band The Maytals social media account-ah puan a ni. Toots hi University Hospital of the West Indies, Kingston, Jamaica-ah a boral a, a tihchhan hi puan a ni lo nain, ICU-ah dah a nih thu leh COVID-19 test result nghak lai a nih thu te chu a thih hmain puan a lo ni tawh a ni.

Toots hi Jamaica-ah Seventh-day Adventist thuhriltu chhungkua atanga lo chawr chhuak a ni a, Trenchtown, Kingston-ah pemin, chu chu reggae music lo pian chhuahna ti a sawi a ni ta a ni. Ralphus ‘Raleigh’ Gordon leh Nathaniel ‘Jerry’ Matthias te nen intawngin Maytals an din a, a hnuah Toots and the Mytals an ti leh ta a ni.

1960s-ah hriat an hlawh tan a, an hla, sak pui nuam leh beat tang tha et awt chuan ngaihven a hlawh hle a, Prince Buster and the Skatalites te nen an kutchhuak chu ska music tiin sawi a ni ta a , 1968-ah Toots and the Mytals chuan an hla hit ‘Do the Reggae’ an tichhuak ta bawk. Hemi kum vek hian an hla dang ’54-46, That’s My Number’ an tichhuak leh bawk.

An rimawi chuan 1970s-ah Britain a luhchilh a, a darh chak hle a, chutah US-ah lut lehin 1975-ah chuan an Funky Kingston LP chu Billboard 200 (albums) chart No.164 kaiin, he chart-a an lanna hmasa ber a ni a, 1976-ah an album Reggae Got Soul chu No.157 a kai leh bawk a, hei hi khawvela reggae music lar chhuahna tura bul tanna pawimawh tak a ni ta a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy