A tum 15-na atana French Cup title chang thei turin Paris St-Germain chuan Nilaini zan semi-final-ah chawlhlawk dawna Kylian Mbappe goal khat tihluh hmangin Rennes lakah 1-0 hnehna an chang a, Lyon nen French Cup final-ah an intum dawn.
Season thara Real Madrid thuam inbel tawh tur France captain Mbappe awm loh huna an buai chhiat mai lohna’n PSG coach Luis Enrique chuan a star striker hi tun season-ah a chawlhtir fo a, bench atanga a luh pawh chhiar tham a awm ta a, mahse, French Coupe de France last four match-ah hian khelhna hun a siamsak a, first half minute 40-a a goal tihluh chu a team-in final luhna’n an hmang zui ta a ni.
Chakna goal awmchhun a tihluh hma lawk minute 37-ah a hlawhchhuah atanga Frenchman Mbappe penalty chhuih chu Rennes keeper Steve Mandanda chuan a dansak a; a tir lam minute 13-naa Mbappe goal tur chu Mandanda hian goal kham nemper chungin a lo tihtlawlhsak tawh bawk.
Tarlan fo tawh thin angin, PSG forward hian a club vawn lai tana a season hnuhnungber tur a hmang mek a, kumin nipui insuan hun herchhuah rualin tunhma atanga a lo nger ngar ngar tawh Spanish giants Real Madrid a zawm tawh dawn a ni.
Nilaini zan semi-final match-a Mbappe goal khat thun avang khan PSG chuan French Cup title 14 an lak tawh belhchhah thei turin hun remchang an nei leh ta phawt a; he tournament-a an champion hnuhnunber chu kum 2020-21 season daih tawh kha niin, kumin hian trophy Treble thei turin hmachhawp an nei mek a, French Cup bakah hian Ligue 1 leh Champions League lamah beisei la neiin, Europe club inelna sangberah hian Barcelona nen semi-final luh an inchuh ang.
French Cup final khel tur PSG
