Daily Newspaper

French Open-ah nikhata en thei tur zat tihniam

11

Tunthlatir lam khan French Tennis Fede-ration (FFT) chuan thuchhuah siamin, kumin French Open-ah hian nitin a hmuna entu 11,500 luh an phalsak tur thu an lo puang tawh a, tun-hnaiah France rama hripui a hluar thar leh tak avangin nikhata fans inkhel en thei zat hi 5,000-ah an tihniam tih he rama chanchinbu lian L’Equipe chuan Ningani khan a tarlang.

He claycourt major tournament hi Septem-ber ni 27 atanga October ni 11 chhung hian Roland Garros-ah an khel dawn a, FFT chuan khelmual pui pahni Philippe-Chatrier leh Suzanne-Lenglen showcourt-ah chuan fans 5,000 ve ve luh an phalsak dawn a, court tenau zawk Simonne-Mathieu court-ah chuan fans 1,500 luh phalsak an nih tur thu an puang.

Ningani khan France ramah hian hri kai thar mi 10,593 zet hmuhchhuah niin, hei hi hripui len hnua he rama nikhat thilthua positive an hmuhchhuah hnember tum a la ni.

Reuters chhinchhiah danin he ramah hian Covid-19 case 438,000 an chhinchhiah tawh zingah mi 31,000 chuang an thi tawh a, tun thlenga hri vei thar an la punbelh zel avangin an rama grand slam tournament khelh turah pawh an beisei angin fans an luhtir leh thei daw ta lo a ni. Nikum khan organi-ser-te chuan a hmuna French Open entu 520,000 an awm thu an tarlang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy