Daily Newspaper

French Open draw a chhuak

12

Naktuk atanga Roland Garros, Paris-a French Open khelh tan tur first round draw a chhuak a, Andy Murray chuan Grand Slam-a vawithum cham-pion ve tawh Swiss Stan Wawrinka a tum dawn.

Paris clay-a Briton inkhelh hnuhnunber chu kum 2017 daih tawh kha niin, khami hnu khan tumhnih ngawt a khel hliam zai a ni a, tennis a chawlhsan mai hlauh-thawnna a pian hman hial hnuah khelmual a lut leh thei ta a ni.

Roland Garros-a kum 33 Scot inkhelh hnuhnun-ber tuma a hmachhawn kha tuna a hmachhawn tur Wawrinka bawk hi niin, five-set semi-final an khel a, a hnuah Murray chuan kha game hautak zet kha a khel chhiatna bul niin a sawi nghe nghe.

January 2019 khan a tumhnihna atan a khel chu zai leh a ni a, hun rei tak a chawlh vang vang hnuah tunthla US Open kha a rawn khel leh thei ta a, zaipui a tawh hnua a vawihnihna atan Grand Slam singles event-ah a inlan leh dawn ta a ni.

Murray leh a khelhpui hmasaber tur kum 35 mi Wawrinka-te hi boxer-te anga khelmual luh hm^a insual tum ut ut an ni lo a, tukar chung hian Court Philippe Chatrier-ah an parctice dun!

Mipa singles draw dangah French Open title 12 tehreng hawn tawh Rafael Nadal chuan record dinglai nihruala grand slam singles title 20 l^k tlin a tumna kawngah world number 83 Egor Gerasimov a tum dawn a, Belarusian tan Roland Garros bika a first-round debut a ni ang.

Major title la hnem ber leh Nadal-a’n tluk tuma a um mek kum 39 mi Roger Federer chu tuntum hian khup hliam avangin a inlan thei dawn lo.

Nadal-a awmna lam-ah hian US Open cham-pion thar Dominic Thiem a awm ve bawk a; Nadal laka Roland Garros final-a vawihnih tlawm z^wn tawh third seed Thiem hian non-seeded player zinga tawrhhlelhawmber tura ngaih Croatia mi world number three pawh lo ni tawh Marin Cilic lakah bul a tan ve ang.

Nadal leh Thiem hian French Open mipa final hnuhnung pahnihah khan thiam zawk nih inchuhin, Spaniard ve ve a ding-chang a, kumin hian an tlang chhoh zel chuan semi-final-ah an intum thei thung dawn a, a hmawr bawk dun thei dawn ta lo mah se Thiem tan phuba lakna hun rem-chang a inhawng tho ang.

Draw kalphung avang hian champion tura bei-seiawm dang top seed Novak Djokovic chuan final hmain player khawng zual pahnih Nadal leh Thiem a pumpelh thei dawn a, Serb hian major title 18 lak tlin a tumna kawngah Mikael Ymer lakah bul a tan ang.

Hmeichhe singles lamah Serena Williams chu record umtu ni ve bawkin, Margaret Court-i record ding rei tawh tak tluk turin Paris-ah hian a vawi 24-na atan grand slam title a beisei leh dawn a, major final-a a chak theih tak reng reng loh avangin tuntum pawh hian trophy beisei pha ve dang tan pawh hneh loh ena en ngawt chi a ni tawh lo mai thei!

Vawiin hi Williams-i kum 39-na birthday a ni a, kum 40 tlin dawn thlenga top player l ani thei American hian tunthla US Open first round-a a lo hmachhawn tawh a chipui Kristie Ahn bawk kha French Open round hmasaberah hian a tum leh dawn.

Romania chhuanvawr Simona Halep chu tuntum hian women’s top seed niin, tunkara Italian Open title hlawhchhuak hlimhlawt a ni a, kum 2018-a a grand slam title hmasaber a sualchhuah-na Roland Garros-ah hian rinkai ni leh chatin, a match hmasaberah Spain nula Sara Sorribes Tormo lakah fiahna a hmachhawn ang.

British women’s num-ber one Johanna Konta chu Paris-ah hian seeded ninth niin a inlan dawn a, bultanna ngaihven hlawh-ah American tleirawl Coco Gauff nen second round luh an inchuh dawn.

Mipa lama Britain top-ranked Dan Evans chuan Japanese Kei Nishikori lakah bul a tan ang.

British number two Kyle Edmund chu khup hliam avangin a inhnuk-dawk a, Edmund a inlan theih dawn tak lohah hian naktuk atanga khelh tan tur French Open-ah hian singles lamah British player paruk chiah an inlan dawn a ni.

Men’s leh women’s singles first round match hi a tir lam nithum chhunga khelh zawh tura ruahman a ni.

He tournament hi muang leiah chuan May thla tawpa tanin June thla tirah an zo fel hman thin kha a ni a, kumin erawh coronavirus pandemic avangin kum tawp lamah an khel thei chauh a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy