Daily Newspaper

French Open leh Williams

11

Tun thla tawp lama French Open khelh tan turah hian tournament chhima chhuakkhawm player-te chu duh duhna hmuna thleng darh loin Paris khaw hotel pahniha thlenkhawmtir tumin organiser lamin rua-hmanna an siam a, hei vang hian Serena Williams chuan Paris-a a inlan dawn leh dawn loh a la chiang thei lo.

Kumin Paris khaw grand slam tournament khelh turah hian a hmunah fans bituk chin chu inkhel en tura luh phalsak an ni dawn bawk a, kum 38 mi, lung lama harsatna lo nei tawh Serena hian duh ang th^la mahnia inb^wk hranna awm loa thlenkhawm chu a zuam dawn em tih a la b<k m>k niin a lang.

France ram khawpui bera mahni puala chenna (apartment) nei hrang thlap Serena hian a chenna hmuna thlen chu a duhthusam a nih thu a sawi rualin tournament buatsaihtu a nih loh avang leh duh duha thuneitute chu kawk kual thei a nih loh thu sawiin, French Open a khelh dawn leh dawn lohah thutl<kna a la siam thei lo tih a sawi.

US Open khelh m>kah hi chuan player-te hi an duhna hmun hmuna thlen phalsak an ni a, Paris lam erawh hripui avangin an fimkhur zual deuh a nih hmel.

Thawhtanni khan French Tennis Federa-tion (FFT) chuan thu-chhuah siamin, French Open khelh chhungin nitin fans 11,500 tana inkhel en theih a nih tur thu an puang a, a lung thisen dawt hnawhtu vawihnih an enkawl dam tawh Serena chuan fans pawh luh an phal tho chuan an duhna hmuna thlen phalsak ve mai chu tihawm tak a nih thu sawi chungin hriselna lama ngaihtuah tur nei a nih avangin tournament khelh laia iptepui banna chung-changah fimkhur ngai zual bik a nih thu a sawi.

Roland Garros-a chawlhkar hnih awh tur tournament lian hi September ni 27 atangin an khel tan dawn a, he grand slam hi kumin May thlaa khelh daih tawh tur kha a nih laiin hripui avangin an sawnhla ta a ni.

Inkhel entute hi thutna bik pathumah an thliar fel vek dawn a, ticket an pekchhuahah an thutna ‘zone’ tarlan zel tur niin, an ticket-a inziak bak hmun dangah nilenga an kalsawn a rem dawn lo; kum 11 chin chunglam chu mask vuah vek tura tih niin, player leh tournament buaipuitute pawh hri an kai leh kai loh tournament chhunga endik reng an ni ang.

Zone pathum zinga pahnih centre court Philippe Chatrier leh second court Suzanne Lenglen-ah chuan fans 5,000 aia tam lo ve ve an thu thei dawn a, third court Simonne Mathieu-ah erawh fans 1,500 luh an phal chauh dawn a ni.

September ni 21 atangin qualifying an tan ang a, hetah bik hi chuan entu an awm phal a ni dawn lo a, tourna-ment tak tak an tan hunah pawh stadium chhung ni lo pawnlam court-a inkhelah chuan mipui tan ticket pek-chhuah a ni lo bawk ang.

France ramah hian hripui kai mi 328,000 chuang awm tawhin, khawvela covid-19 kai tam lamah 14-na an ni pha a, thihpui pawh 30,700 chuang an awm tawh a; karliamta Zirtawpni leh Inrinni mai pawh khan nikhata hrikai an hmuhchhuah hi 8,000 chuang ve ve a la ni a, he ramah hian hripui a la l>ng kal m>k a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy