Daily Newspaper

FSL thuamthatna home secretary-in enfiah


Mizoram Home secretary Lalbiaksangi chuan nimin khan Directorate of Forensic Science Laboratory, Mizoram tlawhin, Nirbhaya funding scheme hmanga FSL hmalaknate a hmunah a enfiah.

Mizoram Forensic Science Laboratory hian sawrkar laipui atangin Nirbhaya funding scheme kaltlangin cheng vaibelchhe 4.19 chu Cyber Forensic Laboratory thar dinna tur leh DNA Division tihchangtlunna atan a dawng a. Home secretary hian heng sum hmanga khawl leite leh Cyber Forensic Laboratory dinna tura hmalakna te a enfiah a ni. Modernisation grant hmanga FSL-in khawl a lei thar – GC Head Space leh Bullet Speed Measuring- Equipment te pawh a enfiah a ni.

FSL director H. Sangchungnunga sawi danin, Forensic Science Laboratory-ah hian forensic expert 15 an awm a, an ni hian an division chhunga an case dawn theuh an khawih bakah Mizorama pawikhawihna a thlenna hmun apiangah police lamin an mamawh ang zelin a hmun an pan nghal thin a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy