Daily Newspaper

Fuel atanga excise duty hmasawnna thawh nan hmang

15

Union Minister Nitin Gadkari chuan petroleum product atanga excise duty lak te chu infrastructure siam nan leh hmasawnna hnathawh nan hman a ni tiin a sawi.

Lok Sabha-ah fuel man tihsan in ram chhung hmun tinah thil phurh man a tihsan avangin harsatna a siam tia sawi chungchangah Road Transport and Highway Minister chuan a chhang a.

“Petroleum product a excise duty lak te hi infrastructure leh hmasawnna thil dang atan sorkar sum dinhmun hrerenga hman a ni,” tiin Gadkari chuan a sawi.

Minister chuan kawngpui kaltlanga transportation cost chu thil hrang hrang vehicle man, hlawh, insurance, permit, maintenance, fuel, toll tax leh thil dang danga sen ngaia innghat tiin a sawi a.

Ministry of Road Transport & Highways and consultant kaltlanga zirchianna an neihah vehicle thil phurh man atanga 34% chu fuel in a nghawng tiin a sawi a.

“Transport company te chuan ram chhung market dinhmun leh additional cost te hisapin a man an tihniamin an tihniam lo thei a ni,” tiin he zirchianna a tarlan chu a sawi lang bawk.

Gadkari chuan Covid-19 avanga national leh local level lockdown leh khuahkhirhna chuan hmanrua, khawl leh labour supply lamah harsatna a thlen nasa a, chu chuan hna a nghawng nasa tiin a sawi bawk a.

“Mahse, sorkarin Atmanirbhar Bharat a kalpui avangin contractors/concessionaires/consultants te leh National Highway siam thatute chuan tha takin an thawh theih phah,” tiin a sawi bawk.

Minister chuan National Highways Authority of India (NHAI) chuan April atanga August 2020 chhung khan project 31 lai 890 km a sei Rs 26,322 man hu an pe chhuak tiin a sawi bawk a.

April atanga June 2021-22 chhungin NHAI chuan project a pekchhuah chu 383 km a ni thung tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy