‘Fuh chiang lo maw’ tiin J Lalrosanga’n Invicto khuhhawng

‘Fuh chiang lo maw’ tiin J Lalrosanga’n Invicto khuhhawng
Youth Icon star J Lalrosanga chuan Inrinni kalta khan Maruti Suzuki Invicto khuhhawnna, Nexa showroom, |huampui-ah a nei a, Youth Icon-a a rawn lar chhuahpui ‘Fuh Chiang Lo Maw’ tih hla leh ‘Aw Kawngte’ tih hla sain, car thar belchiang chungin a zai a, hetiang hi Aizawl-ah chuan a vawikhatna a nih hmel e.
RS-a hian hetiang event-ah te hial a tel ve ta mai chu phu lo a intih thu leh ropui a tih thu sawiin, GIG Motors chu tluang taka an kal zel theih nan duhsakna a hlan nghal. RS-a hi Invicto car bonnet-ah thuin ‘Fuh chiang lo maw,’ hla a perform zui nghal a ni.
Invicto unveiling-ah hian Youth Icon judge singer Rosy leh Icon host Mafeli Hlondo te pawh an tel a, RS-a’n car khuhhawnna puala cake zai nghalin, Rosy leh Mafeli bakah model Kimkimi te pawh cake a barh nghal nghe nghe a ni.
Maruti Suzuki Invicto hi Aizawl-ah lei theihin tunah an tlangzarh chauh nain, an hralh chhuahna a rei ve leh deuh tawh a, Maruti Suzuki car zawrh zingah a manto ber niin, showroom-ah Rs 25,21,000 leh Rs 28,92,000 man a ni a, Zeta+ leh Alpha+ a awm a, mi pasarih chuan theihna niin car&bike Awards 2024-ah Family Car of the Year a dawng nghe nghe a ni.
Invicto hi strong hybrid niin, 2.0-litre petrol engine leh 201.6-Volt AC Synchronous electric motor a nei a, a engine leh electric motor tangkawp hi 184 bhp @ 6,000 rpm leh 188 Nm torque @ 4400-5200 rpm pechhuak thei a ni a, a electric motor nen a tangkawp chuan 206 Nm torque pechhuak thei a ni bawk.
A chuangte himna atan airbag paruk, anti-locking braking system leh Electronic Brakeforce Distribution, vehicle stability control, hill start assist, seat belt reminder (a seat zawng zawng tan) neiin, ISOFIX child mount a nei bawk. Hei bakah hian front leh reverse parking sensor, 360 degree view camera neiin, Tyre Pressure Monitoring System te pawh a nei.
A chhungah part analogue leh part digital instrument cluster neiin, 7-inch colour TFT display a nei a, hetah hian vehicle information chi hrang hrang- drive mode, tyre pressure indicator, gear position leh alert notification hrang hrang a nei a, air purifiera nei a, Suzuki Connect App kaltlangin vehicle tracking, geofencing bakah emergency call leh eCall function te pawh a nei. 10.1-inch infotainment touchscreen display neiin, SmartPlay Magnum+ infotainment system a support bawk.
Invicto hian bungraw phurhtheihna litre 239 dawng neiin, hei hi a 3rd row tihtluk chuan litre 690 a tihzauh theih a ni bawk. A 3rd row hi 50:50 split function a nei bawk. 17-inch dual-tone alloy wheels a nei a, 215/60 tyre a hmang bawk.