Govt. Aizawl North College-a college building awmsa chawng li chunga RUSA sum cheng nuai 150 senga sak belh, chawnga 5-na leh chawng 6-na (vertical extension) chu Thawhlehni khan Higher & Technical Education minister Dr R Lalthangliana’n a hawng.
RUSA sum hmanga college building sak hian Aizawl North College zirlaite mamawh, a bikin classroom indaihlohna engemaw chen a phuhruk a beisei tih H&TE minister hian sawiin, khawpui pawnlam deuh a theih anga anga college hmunhma sawnchhuah leh dah chu thil tul tak anih avangin, hemi kawngah hian sawrkar chuan a theih angin angin hma la in, a enzui reng tih a sawi.
Zirna leh khawsak phungah tunlai leh hmanlai danglam dan sawiin, “Awlsamna tinreng kan ban phak leh kan hman theihin a awm tawh a, hengte hi hman tangkai thiam a ngai. Kan hman thiam loh chuan kan nun tichhetu an ni thei a, a nih dan tur anga taka hmang tangkai turin zirlaite hi ka duh che u a ni,” Dr R Lalthangliana hian a ti.
GANC building sak belh
