Ganja a hluar a, man pawh an man hnem. Kum liam ta kha ganja man tam ber kum a ni.
Mizoram Excise & Narcotics (MEN) department-in 2024 khan ganja hi kg 578.592 an man a, kum dangah hetiang zata tam an la man ngai lo.
2014-ah khan kg 402.227 an man a, a hma chuan 2024 hi an man tam ber kum a ni thin. Kumina an man zatin a khum hneh hle.
2024-ah khan May thla thlengin kg 406.719 an man hman a, hei hi 2014-a an man aiin a tam tawh. Nikum May ni 31 khan 2024 kha an man tam ber kum a ni daih tawh.
MEN department hotute chuan ganja a hluar thu an sawi a, thalai zingah a hluar a, ‘weed’ tiin an sawi a, tleirawlah pawh ganja zu hi an pung tih an sawi.
Ganja hi Tripura atangin a rawn lut nasa a, Shillong atangin a rawn lut nual bawk an ti. An sawi danin, Shillong atang hian bawngsa karah te an zep thin a, Tripura atanga rawn lut hi chu fel fai taka fun thlap a ni.
Ganja man zat
2024-ah Kg 578.592
2023-ah Kg 179.233
2022-ah Kg 152.214
2021-ah Kg 376.204
2020-ah Kg 127.449
2019-ah Kg 370.068
2018-ah Kg 187.568
Ganja man tam ber kumah ganja man hnem
