Aizawla gas agency tin chu an huamchin theuhah 2025 January atangin veng pahnihah tal home delivery tih belh tura tih an ni.
Aizawl District Consumer Protection Council chu an chairman, bawrhsap Er Lalhriatpuia kaihhruaiin Aizawla LPG home delivery chungchang sawiho a ni a. Sawrkar ruahman anga eirawngbawlna gas chu home delivery kalpui zel dan sawiho niin, gas agency hrang hrang hmalak dan leh an dinhmun sawi a ni. Aizawl veng hrang hranga fully leh partially-a LPG home delivery kalpuina hmun enho niin, Zothan Indane Agency chuan an huamchhung vengtinah zaa za in home delivery an kalpui tawh tih report a ni.
Aizawl Municipal huamchhunga distributor tinin 2025 January atang chuan an huamchina tuna home delivery an kalpui mekna bakah veng dang pahnih theuhah kalpui belh leh ngei tura tih an ni a, an kalpui belhna tur veng pahnih theuh thlan tir an ni. Home delivery la kalpui lohna venga awmte tan pawh home delivery an book thei a, an book a nih chuan gas agency-ten an pe ngei ngei tur a ni, tih a ni.
Hmalakna vil zui turin addl DC PC Zonuntluangi kaihruai Monitoring Committee din nghal a ni a. He Committee hian gas agency hrang hrangten home delivery an kalpui dan a tul angin an endik thin ang.
Thutkhawmah hian Aizawla LPG gas agent hrang hrang, Indian Oil Corporation Ltd aiawh, Mizoram Consumer Union leh Central YMA aiawhte bakah Aizawl DC leh FCS&CA department official-te an tel a ni.
Gas agency-te veng hnihah tal home delivery tih belh turin ti
