Tunhnai khan Mamit district-a Mizoram Consumer Union hruaitute chuan Mamit bazar venga eirawngbawlna Gas sem tur an enfiah a, buk tling lo 52 an hmuchhuak a. Gas enfiahnaah hian MIZOFED thuneitute leh DCSO Mamit te pawh an awm; Gas buk tling lote hi motor khalhtute an phurh lettir leh a. Tun hnuah Mamit district-a gas buk tling lo phur lut tawh lo tur leh, an phur lut leh a nih chuan hrem an nih theih nan thuneitu sang zawkte hnenah an kalpui tur thu an hrilh a ni.
Eirawngbawlna gas buk tling lo chungchang hi tunhma kum tam tak liam ta a\anga buaipui lo ni tawh mah se, tun thleng hian a reh tak tak thei lo. Hei hi a chhan ni bera lang ta chu, Gas Agency leh mipui lam hian dan anga kal hi kan peih loh vang ni ta berin a lang.
Gas Agency lam hian gas lo thleng hi a nih dan tur anga buk a tlin leh tlin loh an lo enfiah thlip thlep peih loh chuan, gas phurtu driver-ten kawnglaka tihchingpenna chance an neih phah thei a. Gas Agency lamin fet taka an lo endik zat zat hnuah pawh hian, a semna tur point-a phurh chhuah leh hnuah kawnglakah khawih chingpenna chance a la awm thei tho a; chuvangin, mipuiin gas kan lak dawnin buk a tlin leh tlin loh kan lo endik ve leh tur a ni a; chuti a nih si loh chuan gas phurtute tan khawih chingpenna chance a awm reng mai dawn tihna a ni.
Dan ang chuan, Gas Agency-te hian supply point-a gas an semchhuah dawnin Gas Cylinder bukna tur (Spring Balance) an keng ngei tur a ni a, hemi chungchang hi vawi duai lo Legal Metrology lam chuan mipui an hriattir tawh a, Gas Agency lam pawh hriattir an ni \hin bawk. Hemi chungchangah hi chuan, Legal Metrology lam hian mipui awareness an pe \ha thawkhat hle tawh a ni.
Chuvangin, hetianga buk tling lo gas bur man chhuah tur a awm reng tawh lohna tur leh, hah taka gas phur motor kawnglaka enthla reng renga intihbuai a ngaih tawh loh nan, mipui lam hian gas semna point-ah spring balance nena buk thlap thlap hi phut tlat peih ila, tuna gas buk tling lo chungchanga harsatna thleng \hin hi chu awlsam tein a reh hmak thei maiin a rinawm a ni.
Gas buk tling lo bawk hi…
