Daily Newspaper

Georgia-in Biden tlingah puang nawn leh

7

A tum thum nan Georgia state chuan Joe Biden chu presidential election ah chak zawkah a puang.

Vote chhiar final tally neih hnuah Secretary of State Brad Raffensperger chuan Biden chuan Republican tamna hmunah vote 12,000 aia tlemin chakna a chan thu a sawi.

Georgia hian President Trump team tena an khin hnuah November ni 3 inthlan result kha an lo chhiar tha tawh a ni.

Raffensperger chuan Republican te chu vote thlak leh chhiarah inbumna a awm tia an sawi tlat chuan State a ti na tiin a sawi bawk a.

“Dan ang thlapin ballot te tum thum kan chhiar tawh a, result a la danglam chuang lo vek a ni,” tiin Raffensperger chuan Atlanta-a news conference a neihnaah a sawi a.

“Mi tam tak inthlanah dik lo taka thil tih a awm tia ngai an awm tih ka hria a, mahse, a finfiahna kan neih atang chuan chutiang chu a ni lo,” tiin a sawi bawk.

Trump chuan dan hmanga vote tla leh chhiar chungchang battleground state tea a khinnaah engmah hmasawnna a nei lem lo bawk a.

Thawhtanni khan Georgia leh Michigan federal judge-te chuan Trump campaign tena lawsuit dang kalpui leh an tum chu an hnawlsak bawk a.

Georgia-a lawsuit hi Trump a thawhpui Sidney Powell-a kalpui niin Trump campaign lawyer hluiin state electoral system-ah mythicalsea monster tihchhuahah a vau avangin ‘Kraken’ lawsuit tihsak a ni.

Raffensperger chuan ‘Georgian te chuan an vote te chu legal vote vek niin dik leh fel taka chhiar vek a ni tih hrefiahin an awm thei tawh ang’ tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy