Misual hrenbeh mekin boruak hlauhawm tak a siam avangin Germany-a Hamburg Airport chu khar niin mi tu emaw ralthuam kengin police venhimna paltlangin airport chhung a rawn lut a ni. Federal police te sawi danin hepa hian van lam hawiin silai vawi hnih a hmet puak a ni. Police te sawi zel danin hepa nupui hian police te chu phone hmanga bia in a pasal hian naupang ruk bo a tum angin a sawi a ni. Hamburg Police ten X-a an sawi angin, “A hmun ah hian police contingent tam tawk leh rikrum thila che thei nghal tur te nen kan awm tawh. Misual hrenbeh khawsak mek dan kan thlithlai mek a ni,” tiin an sawi a ni.
He thil thleng hi police te chuan hriat belh zelin mipa kum 35-a upa chuan a fapa kum-4 mi chu car-ah tawmpuiin he a fapa hi a nu hnen atangin tihluihna hmangin a lak saka, a fapa enkawl leh humhim thuah an nupa thu inchuhna vela thil thleng niin police te chuan an sawi a ni. Police te chuan, “He buaina hi naupang enkawltu tur chungchang buaina vel a ni” tiin an sawi. BBC-in a sawi danin naupang pa hian boruakah silai vawi hnih hmet puakin bottle meia hal alhin motor atangin a zawm chhuak a ni. He thil thleng avang hian police officers tamtak leh federal police te chu buaina chhuahna hmun leh car bul lawk ah te an thleng nghal a ni, tiin Federal Police thupuangtu Thomas Gerbert chuan German chanchinbu mite a hrilh a ni. Hepa bulah hian psychologist hruai niin midang tumah hliam a tum lemlo niin an sawi a passengers te chuan him takin airport an chhuahsan thei a ni. BBC-in a sawi danin thlawhna lut leh chhuak tur te tih tawp lailawk an ni bawk.
Germany-a Hamburg Airport khar
