Daily Newspaper

Germany hnungzuiin Denmark tling ve leh

17

Thawhlehni zan qua-lifier-ah sikhat faia an mikhual Austria hnehin Denmark chuan Qatar rama 2022 World Cup khel turin an dinhmun an sawhnghet ta a, Europe khawmualpui atanga nakum Fifa tournament khel tura tling hmasa ber Germany hnung an zui.

Copenhagen khaw-puia Danes chakna goal awmchhun hi second half tir lam minute 53-a Joakim Maehle tihluh niin, Thomas Delaney thawhrah a ni.

He result nen Den-mark hi Group F khelh riatah chak kim vekin, khelh hnih la awmah play-off khelh ngai loin an qualify a, Middle East pan turin hna khat an zo ta phawt.

Denmark hi kumin Euro 2020-ah khan beisei phak bakin an chetha a, semi-final hial thlengin, 2022 World Cup qualifying lamah pawh an chetthat an chhun-zawm a; an captain Simon Kjaer chuan zinkawng thui tak an zawh thu leh tourna-ment khel tura an tlin rualin trophy chaka an tuihalna a zual sauh tih Danish television cha-nnel Kanal 5 a hrilh.

A zawn zata vawiriat an chak hnuah point 24 neiin, an group-a pa-hnihna Scotland nen point sarihin an inthlau ta a, hmabak khelh hnih la awmah Scot-ho hi chak ve vein, Denmark hi tlawm ve ve pawh ni se Scotland tan an chunga hmahruaitu team hi hmakhalh ngaihna a awm tawh lo a ni.

Thawhlehni zan qualifier inkhel dangah Scotland hian sikhat fai bawkin mualneitu Faroe Islands hneh mah se Denmark an chetsual duh loh avangin Scot tan automatic-a Qatar thlen ngaihna a awm ta lo a, play-off lam an beisei leh phawt ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy