Daily Newspaper

Germany’s Footballer of the Year – Lewandoski

28

Kum 2020-21 season chhunga Germany-a football khel zinga player tha ber thlanna chu neih zawh a ni ta a. Football ngainatuten Robert Lewandoski chu Germany’s Footballer of the Year atan an thlang a. Polish hian vote a hmu sang fal hle.

Germany’s Footballer of the Year thlannaah hian vote 563 a tla a, Bayern Munich forward Lewandoski hian vote 356 zet a hmu a. A vote hmuh hi 63.23% zet a tling a, amah hnaih ber tu Thomas Muller aiin vote 315 teh rengin a hmu tam zawk. Beyern Munich leh Germany player pawimawh Muller hian vote 41 a hmu a, Lewandoski hnungah chiah a awm. Borussia Dortmund forward Erling Haaland chu pathumna a ni a, vote 38 a hmu a. Vote 25 hmut Bayern Munich player Joshua Kimmich chu palina a ni ve thung. Poland striker Lewandoski hian he chawimawina hi a zawna vawihnih a dawnna chiah a ni.

Season liam ta khan Robert Lewandoski hi Bayern Munich tan a chetha hle. Inelna hrang hrangah vawi 48 inlan in, goal 48 zet a thun a. Inkhel apianga goal thun ziah ang a ni. Bendesliga-ah vawi 29 khel in, goal 41 zet a thun tling a, record thar a siam. German Bundesliga-ah season khata goal thun hnem ber chu season khata goal 40 thuntu Gerd Muller a ni a. He record khum har tak tura ngaih hi Polish hian a rawn khumna nawlh a ni. Champions League trophy humhim zo lo mahse, Bayern Munich hi Bundesliga-ah a zawnin vawikua a champion pui tho thung. Kum 2019-20 season kha Lewandoski tan kum tha tak a ni a, Beyern Munich chu treble champion a nihpui. Hemi tum hian a vawikhatna atan Germany’s Footballer of the Year chawimawina a dawng nghe nghe. Ballon d’Or dawng ngei tura ngaih a nih laiin hemi kum ber kher hian hripui vangin sem a ni lo hlauh thung.

Champions League-ah Chelsea champion puitu Thomas Tuchel chu Germany’s 2020-21 Coach of the Year-ah thlan a ni ve thung a., Tuchel hian Bayern Munich manager Hansi Flick leh Borussia Dortmund manager Edin Terzic te a khum.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy