Bradley Cooper chuan Golden Globes after-party kalsanin, a ngahzawng Gigi Hadid leh a nu Gloria Campano te nena zanriah kilho a thlang zawk e. Golden Globe-ah award dawng lo mah se zan hlimawm tak a hmang tho e.
Award sem zawh hnu lawkah Louis Vuitton tuxedo hain Cooper chu Los Angeles-a Giorgio Baldi restaurant kalin, Gigi leh a nu Gloria te nen zanriah hi an kilho a. Chaw eikhamah erawh Cooper leh Gigi te hi a hrangin an chhuak a, Cooper hi a nu nen car pakhata chuang dunin an tlan liam ta a ni. Hetianga chhungte nena zanriah an kilho takah chuan Cooper leh Hadid te inkar hi a serious ta riau niin an ngai a ni.
Gigi Hadid, kum 28, leh Bradley Cooper, kum 49, te hi nikum October thla tir khan New York City-ah an thiante nen zanriah an eiho a, chumi hnu lawkah an pahnih hian car-a an chuang dun lai an hmu leh a, chuta tang chuan an inzui tih thu hi a thang tan ta a ni.
An pahnih hian an chhuak dun ta fo a, Taylor Swift, Selena Gomez, Sophie Turner, Cara Delevigne leh Brittany Mahomes ten nikum November a girls night out an neih tum pawhin Bradley hian Gigi hi a thlahfal hleithei lo!
Gigi hian a ex Zayn Malik nen fanu kum thum mi, Khai a nei tawh a, Bradley pawhin a ex Irina Shayk nen fanu kum ruk mi, Lea a nei tawh bawk.
Gigi Hadid leh Bradley Cooper an serious
