Daily Newspaper

Gionee K3 Pro

27

Gionee K3 Pro chu China-ah an tlangzarh a, 6GB RAM + 128GB storage chu CNY 699 (Rs 7,500 vel) man niin, 8GB RAM + 128GB storage chu CNY 799 (Rs 8,600 vel) man a ni ve thung a, India-ah chuan September thla tirah a rawn thlengin a rinawm. Gionee hi 2018 khan an tlachhia a, nikum khan an rawn thar thawh leh a, India-ah pawh an thawm a reh deuh vang vang hnuah an rawn inlar ve leh tan dawn ta a ni.

Gionee K3 Pro hi dual-SIM niin, Android 9 Pie a hmang a, 12nm nased 2GHz MediaTek Helio P60 (MT6771) SoC leh 6GB/8GB RAM neiin, 128GB storage a nei a, a storage hi microSD card hmangin a tihlen theih.

6.53-inch HD+ (720×1600 pixels) display neiin, 19:9 aspect ratio, 90 percent screen-to-body ratio leh 234ppi pixel density a nei a, a hnungah camera pathum- 16-megapixel (f/2.0) primary camera, bakah depth sensor leh macro sensor a nei a, a hmaah selfie atan 13-megapixel (f/2.0 aperture) camera a nei bawk.

Connectivity-ah chuan 4G LTE, Wi-Fi, Bluetooth 4.0, USB Type-C port, GPS/A-GPS, 3.5mm audio headphone jack a support a, sensor hrang hrang a neih zingah fingerprint sensor, accelerometer, ambient light, gyroscope, proximity a tel a, 4000mAh battery neiin, 164.3×77.6×9.7mm a lian, gram 205 a rit a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy