March 13 hian khawvel puma mit pressure sang vanga harsatna awm theite inhriattirna, World Glaucoma Week hman a ni a, hemi pual hian National Programme for Control of Blindness and Visual Impairment, NHM chuan Kulikawnah Upa Pawl member-te tan a thlawna mit entirna a buatsaih.
NPCB&VI state programme officer Dr Lalbiaksiami chuan kum upa lamten mit khawhmuh fiah an neih nana an dinhmun dik tak thlithlai sak chu chhungtinin kan mawh a ni, tiin, mit enkawl that pawimawh zia a zirtir.
NPCB&VI thawktute hi Synod Hospital Durtlang-a Ophthalmic Department leh Caridad Society Aizawl Hospital nen tanghoin inentirna hi buatsaih a ni a, MUP member 90 chuang an inentir.
World Glaucoma Week hi kumtin March-ah hman thin a ni a, kumin hian March 12-18 chhunga hman tur a ni.
Glaucoma hi mitdelna thlentu tam ber dawttu a ni a, kum naupang atanga kum upa thlenga neih theih a ni. Hei vang hian tun tum World Glaucoma Week-ah pawh regular taka mit endik tir leh optic nerve damage (mit hrui ro) neih leh neih loh entir a pawimawh zia tlangaupui a ni.
Glaucoma Week pualin upate mit en sak
![](https://theaizawlpost.org/wp-content/uploads/tap_logo-min-large.jpg)