Daily Newspaper

Goal nena kir Neymar leh Mbappe

26

Marseille laka sikhat faia an tlawm \uma hnawhchhuah tawk Neymar chuan match hnih hremna a tuar zawha khelmual a luh leh \umin Zirtawpni zanah goal hnih a khung a, tun season-a a club tana a goal hmasa pahnih a ni.

Ligue 1 champion Paris St-Germain-in 6-1 tehrenga an mikhual Angers SCO an sawpna inkhelah hian hripui kai vanga inenkawl ve zawk Kylian Mbappe pawhin a dam lawmna’n goal thun a chhunzawm.

September ni 7 khan kum 21 mi Mbappe hi coronavirus a kai tih hmuhchhuah niin, a chawl det a, September ni 20-ah khelmuala kirlehin Nice lakah goal a khung leh nghal a, kartawpah pawh goal a thun chhunzawm leh nghal zat a ni.

Parc des Princes-a inkhelah hian Brazil forward Neymar chuan first half leh second half-ah goal khungin, Mbappe bakah goal hmahruai thuntu Alessandro Florenzi, Idrissa Gueye leh Julian Draxler-te’n mualneitu team tan goal an tilut a, Angers goal neihchhun hi Ismael Traore thun a ni thung.

Season thara an league game hmasa pahnihah PSG tlawm mah se a zawnin game li an chakzawn chho leh ta a, Ligue 1 khelh ruka point 12 hmuin table-ah pahnihna an luah chho a, he thu buatsaih lai thleng hian hmahruaitu Rannes nen point khat chauhin an inthlau leh tawh.

Match nga an khelh tawha la tl^wm ve lo Rennes hian nizanah a mawngphah chung chiah luahtu Reims an hmachhawn a, an result tarlan hman a ni lo.

Zirtawpni inkhelah khan Marseille game-a hnawhchhuah tawk Argentine winger Angel di Maria chu a la inlan thei lo a, match li hremna pek a nih angin game hnih chawlh a la hmabak.

Kum 2011 a\anga Angers coach ni tawh Stephane Moulin kha Europe league lian zual panga zinga club ngai enkawl reiber niin, champion lai PSG mualah goal venhim ngei tumin tlarhnung ven thiam player panga nen bul \antir mah se a defenfer hnawhluh aia tam goal an chhuah zui ta tho!

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy