Goal thun thulh thei lo Ronaldo!
Karliamta Ningani mai khan ram tan game 198 khela goal 122 thunin mipa footballer zinga international goal khung hnem ber record thar a siam a, Pathianni zanah Cristiano Ronaldo chuan a mellung phun thar sawhnghet turin Portugal tan goal hnih dang a khung belh leh a, Euro 2024 qualifier Group J inkhel pakhatah a team chuan siruk fai tehrengin mualneitu Luxembourg an sawp a, ni li lek chhungin European champion lai hi vawihnih an chak hman!
Kum 38 mi ni tawh chunga goal khung thulh thei lo Portugal captain hian minute kuana lekah goal hmahruai thunin, darkar chanve khelh pelh hlekah a khung belh a; Joao Felix leh Bernardo Silva bakah substitute pahnih Otavio leh Rafael Leao-te’n goal khat diat diat an thawh ve bawk.
Karliamta Liechten-stein game-a goal hnih bawk thun tawh Al Nassr forward Ronaldo hian European Championship qualifiers match 37 atangin goal 35 a tilut tling tawh a, Euro qualifier bikah pawh Portugal tana goal thun hnem ber a ni.
Kumin January thlaa an sengluh manager thar Roberto Martinez-a hnuaia an match hmasa pahnihah a zawnin Por-tugal an chak a, kum ruk teh meuh Belgium an enkawl chhunga hlawh-tlinna sawi tur nei bar lo Martinez hian Euro 2024 khel turin champion lai team hi a tlinpui ngei tura ngaih a ni rih phawt a, an title kawl lai hi a humhim-pui thei dawn em tih zawhna chhang tur phei chuan a la hma lehzual!
Luxembourg Sta-dium, Luxembourg City-a Pathianni inkhelah coach thar Martinez hian Liechtenstein game ang bawk khan Ronaldo chu starting line-up a luahtir leh a, boss-in a chunga rinna a nghah ngamna hi goal hnih bawkin a chhanglet leh.
Euro 2024 qualifier-a an game hmasa pahniha hnehna an chan hnuah Portugal chuan Group J hma an hruai ta phawt.
Goal thun thulh thei lo Ronaldo!
![](https://theaizawlpost.org/wp-content/uploads/tap_logo-min-large.jpg)