Daily Newspaper

Gospel group ‘Faktu’-in an debut music video an tichhuak dawn

35

Gospel group thar ‘Faktu’ chuan an debut music video ‘|ahna reng a awm tawh lo’ chu an peihfel ta a, kan thlir thuai thei tawh dawn e. Faktu hi group thar ni mah se a member te erawh rimawi khawvela mithar an ni tawh lo a, Mizo gospel music-a lo inhmang tawh thin, mahse, hun eng emawti chen thawm reh tawh, tuna rawn inthuai thar leh te an ni.

Faktu-ah hian tun kum sangbi thar tir lam gospel music-a kan hriat lar tawh thin RK Vanlalpeksanga, JH Lallungmuana, Lalremsanga (Bete-a), Sangzuala Chhangte leh Mizo Idol show hmasa ber atanga kan hriat lar Lalbiakkima (BK-a) te an intel khawm a ni.

Faktu member RK Vanlalpeksanga chuan rei tak an chawlh hnu a rimawi khawvel an zuang lut leh ta chu, “Pathian remruat te pawh a ni ang e, kan lo inlungrual tlang a, kan han ti ta hlawm a nih hi,” a ti a, mahse, nupui fanau nei te an ni ve diah tawh a, chuvangin tunhma anga active taka chet erawh a theih tawh dawn loh ni a sawiin, “Mahni tawka buai tlang tak kan ni ve tawh a, chutihrual chuan mahni theihna zawn theuhah, kan theih tawka inthuruala rawngbawlna a huhoa nei turin kan han inthui khawm ve tawp mi a ni,” a ti.

Faktu hi kumin kumtir lama indin an ni a, coronavirus hripui avangin an music video thar tur pawh hi an tichhuak lawk thei lo va, tunah chuan an puitlin thei ta a ni. An hla hi Sangkhumi Pachuau, Chanmari phuah niin, a thluk hi Faktu member te siam a ni a, an group hi Zothanmawia, Khatla phuah sak a ni ve thung.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy