Tamil Nadu Chief Minister M.K. Stalin chuan Governor R.N. Ravi chuan State Legislative Assembly chu a political activities zauh nan mai a hmang tia sawiin, ‘Dravidian Model’ government chuan harsatna leh chona nasa tak India rama ‘fascists leh authoratic’ rorelna India rama awm mek chu huaisen takin a su dawna ‘naupang chhe chet mai mai’ thilah an zam mai dawn lo tiin a sawi bawk.
“Harsatna kan paltlang a tam lutuk tawh. Movement leader ka nih ang pawha ka sawi duh chu kei Muthuvel Karunanidhi Stalin hi tihdin mai mai theih ka ni lo,” tiin Assembly a Governor’s Address a motion of thanks a chhannaah a sawi.
“Protocol chuan session tanah Governor chuan House a address tur a ni, a ti a. Governor erawh mawi lo taka chein Assembly chu a political activities zauh nan mai a hmang a ni. Chu chu kum za chuanga upa Assembly dah hniamna a ni lo em ni? Tamil Nadu mipuite namnulna a ni lo em ni? Thutiam a lakna ngei Constitution bawhchhiaa dah hniamna a ni lo em ni?” tiin Chief Minister chuan a sawi bawk.
Stalin chuan, “Tun hmain North-in hma a sawn a, South chu a hnufum kan tih hun lai a awm a. Tunah chuan hma kan sawna North tan pawh thawh kan nei tawh zawk ni. A chhan ber pawh Dravidian Movement vang a ni a. Sorkar hi thuneihna sawhnghet chauh tur a ni lo. kan ideology kalpui tur a ni,” tiin a sawi bawk.
Chief Minister chuan thla 33 chief minister a nih tawh mek lai chu hmasawnna leh hlawhtlinnain a khat a ti bawk a. “Indian economy-a Tamil Nadu thawh chu 9 per cent a ni a, chu chu hlawhtlinna hmasa a ni,” tia sawi bawkin Stalin chuan an hlawhtlinna te chuan ‘kan hmelmate tithinurin min thik a ni’ a ti bawk a. Sorkar chuan rahbah duhtute a paih bo a, rahbeh te a khaichhuah avangin ‘hmelma’ te an thinrim em em a ni tiin a sawi bawk.
“Mi tinin an thinrimna an theih dan danin an lantir a, Governor pawh a bang chuang lo. Constitutional post chelh chungin a bang chuang lo. Mahse, kan ngawi reng dawn lo va. Kan principle kan kalpui tlat anga nikhat pawh midangte tanpui lovin kan awm dawn ;lo” tiin a Tamil Nadu Chief Minister chuan a sawi bawk.
Governor chetlak dan mai mai vangin kan dawih dawn lo – MK Stalin
