Elvis Presley fanu Lisa Marie Presley rokhawmtu nih inchuhnaah court-in thutlukna a siam ta a, Los Angeles judge chuan Lisa Marie fanu upa ber leh Elvis Presley tunu, Riley Keough chu a nu rokhawmtu tur a nih thu a puang a, Riley hi Memphis-a Elvis-a in Graceland neitu a ni dawn ta bawk a ni. Gracelend hi 1977-a Elvis a thih khan a fanu Lisa Marie Presley hian a rochun a, Lisa a thih ve leh takah chuan a fanu Riley hian a neitu nihna a chang ve leh taa ni.
Lisa Marie Presley hi kumin January thla khan kum 54 mi niin a thi a, a thih hnuah a rokhawmtu nih inchuhna a awm ta a, Elvis-a nupui hlui leh Lisa Marie Presley nu, Priscilla Presley chuan Riley bakah a laizawn (half-sister) Lisa Marie hrin Harper leh Finley Lockwood te bakah a pianpui Benjamin Keough (anihi 2020 khan kum 27 mi niin a thi) te chu rokhawmtu ni ve turin court-ah thu a thlen ta a ni.
Graceland neitu leh Lisa Marie Presley estate rokhawmtu Riley Keough
