Greece conservative prime minister Kyriakos Mitsotakis chuan national election-ah chakna changin an party hnehna chu ‘political earthquake’ tiin a sawi.
A party centre-right New Democracy te chuan vote tla atangin 41% dawn hmuin majority an phak lohna chu seat nga lek a ni a.
An elpui ber centre-left Alexis Tsipras chuan lawmpina thawnin an party Syriza te chuan 20% chauh vote an hmu thung.
Mitsotakis chuan inthlan result chuan grekks tena a party chu kum li dang rorel leh tura an duhna lantirna a ni tiin a sawi a.
“Greece mipuite hian majority sorkar midangte puihna tel lo va New Democracy tena an kaihhruai an hmu duh tih a chiang a ni,” tiin a sawi.
Mitsotakis party te hian seat 146 hmu in majority neih nana 151 chu seat nga in an pha lo va, hei vang hian party dang te nena sorkar siam ai chuan June thla tawp vela inthlan that a ngiat zawk dawna ngaih a ni.
Greek president Katerina Sakellaropoulo chuan Mitsotakis hi sorkar siam turin a sawm ang a, a hnial dawn tura ngaih a ni a. A hnuah party lian dang pahnih te chu sorkar siam turin a sawm leh ang a, an siam theih loh ngei hnuah caretaker sorkar siamin inthlan that a ko tura ngaih a ni.
Tun inthlan hi Syriza leader Alexis Tsipras tan chuan channa nasa taka ngaih niin kum 2015 khan international bailout duh lova thuneihna chang kha a ni a, mahse, a hnuah creditors’ demand chu pawm lo thei lovin a awm zui tho a ni.
Mitsotakis chuan a inzawrhnanah amah chauh chu Greek economy hma lam pan thei tura siam theitu tiin a insawi a, chu tak chu Greeks ten an thlawp nia ngaih a ni.
Kum li kalta kha chuan 41% vote hjmuh chuan Greece parliament seat 300 awmnaah majority neih nana tawk tur a ni a. Tunah erawh 45% chuang a ngai tawh a, a chhan chu winning party chuan a hmaa first round a chakna changa 50-seat bonus an neih ang an neih theih tawh loh vang a ni.
Inthlan that tul ti kher lovin sorkar siam duh se chuan Syriza socilait rival Pasok nena coalition sorkar an siam a ngai dawn a, anni hian 11.5% vote an hmu a. Mahse, Pasok leader Nikos Androulakis chu nikum khan wiretap scandal neia hmingchhe tak a ni thung.
Mitsotakis hi Greece a political dynasties thiltithei ber atanga chhuak a ni a. A pa Konstantinos Mitsotakis chu kum 1990 tirlama prime minster a ni a, a farnu Dora Bakoyannis pawh foreign minister ni tawh niin leh Dora fapa Kostas Bakoyannis pawh tuna Athens mayor ni mek a ni bawk.
Greece-ah New Democracy te chak
![](https://theaizawlpost.org/wp-content/uploads/tap_logo-min-large.jpg)