Daily Newspaper

Greek player zinga French Open last 8 lut hmasaber Tsitsipas


Greece chhuanvawr Stefanos Tsitsipas chuan Thawhtanni fourth round match pakhatah 6-3, 7-6(9), 6-2-in Bulgaria player Grigor Dimitrov a hneh a, a tumhnihna atan grand slam quarter-final lutin, Greek zinga Roland Garros last eight lut hmasaber a ni.

Greek fifth seed hi match khelh chhung zawngin a serve a hlauh-awm tluanchhuak a, Court Philippe Chatrier chungkhuh hnuaiah a tumpui Bulgarian tan Tsitsipas-a service kha chai tham a tling.

Nikum ATP Finals champion Tsitsipas hi major tournament-a a chetthat ber chu kum 2019-a Australian Open semi-final a thleng kha a ni a, kumin hian grand slam last four a beisei nawn lehna kawngah Russian 13th seed Andrey Rublev a tum dawn a, a chak a nih chuan semi-final hautak tura ngaihah world num-ber one Novak Djokovic a tum thei dawn.

Kum 22 mi Stefanos Tsitsipas hian fourth round lama eighteenth seed Dimitrov hma-chhawn chu sawilawk harsa leh rin dan thiam har tak a nih thu sawi chungin Thawhtanni match-ah nuam ti takin a khel thei tih a sawi.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy