Samagra Shiksha leh Agriculture department hnuaia project kalpui mek, Green Ag chuan Thawhtanni khan thawhdunna tur an ziak a, Agriculture department aiawhin director James Lalsiamliana leh Samagra Shiksha aiawhin state project director Lalhmachhuana ten hming a ziahhnan.
Thawhdunna turah hian Lunglei leh Mamit district khaw 38-a school-a eco club-te hnenah environment chungchang zirtir an ni anga, zirlaite chu nungchate hlutna zirtir bakah neitu nihna thinlung an put theih nan zirtir an ni ang. Hemi atan hian chet lakna tur chi hrang hrang ruahman a ni. Green Ag project hi Global Environment Facilities (GEF) hnuaia kalpui niin, GEF-ah hian ram changkangho hi sum thawhtu an ni a, dawngtu an ni thei bawk. India hi chutiang zing ami chu a ni a, a thawh a, a dawng bawk a ni.
Agriculture director chuan an project kalpui mekah sawrkar laipui duh dan anga Samagra Shiksha nen an thawkdun thei chu lawmawm a tih thu a sawi a. Dampa leh Thorang Wildlife Sanctuary huamchhung khuaah hlawhtling taka kalpui theih a beisei tih a sawi.
Green Ag project-ah thawkdun
