Sithum faia an mi-khual AC Milan sawpin Luis Enrique team chuan khelh thuma point ruk hmuin Champions Lea-gue Group F hma an hruai a; Nilaini zan inkhela goal khat thawhtu Kylian Mbappe chuan season kal laiah France leh Paris St-Germain tan khelh 13 atangin goal 13 a puitlin ta chiah a ni.
He result avang hian PSG chu Nilaini zan inkhel danga sikhat faia Newcastle United hneh-tu Borussia Dortmund lakah point hnihin an chungnung chhunzawm zel a; hmahruaitu ni chunga bul tan Magpies hian point li an kawlsa an belhchhah zawh loh avangin pathumnaah an chhuk a, point hnih atanga hmasawn zo bik lo Mi-lan-in an group mawng-phah an luah thla thung.
Parc des Princes inkhela goal hmahruai hi darkar chanve khelh pelh hleka Mbappe thun niin, second half-ah Randal Kolo Muani leh sub-stitute Lee Kang-in chuan mualneitu team tan goal khat ve ve thawh ve lehin, an kawtkaiah French champion chuan point thum an hlawh-chhuak a, group hma an hruai zui.
He match-a goal hmahruai leh a hnu-hnungber siamsaktu French Under-21 mid-fielder Warren Zaire-Emery kha rawlthar kum 17 mi lek niin, a mimalin goal khung zo ta chiah lo mah se Milan keeper Mike Maignan chhaih-buaipuitu langsar pakhat a ni a, chumi a chianna chu man-of-the-match atana thlan a nihna khan a nemnghet awm e.
Enrique team hian inkhel an thunun tluanchhuak a; second half tir lamah Ousmane Dembele pawhin an goal hnihna tur khungin, hei erawh video assistant referee-in goal insiam-chhoh laia foul a lo hmuh avangin hnawl a ni.
Europe season kal laiah Italian giants Milan hian hnehna an la chang ve lo a, tarlan tak angin, draw vawihnih an neih atanga an point hnih hum ve tawh chuan Group F mawngphah a thlenpui!
Uefa Champions League game an khelh hnuhnung vawinga zeta goal khung zo lo zawn ta Milan hian inelna dang-ah pawh goal thun an harsat hle a, competitive match an khelh hnuhnung vawi-liah goal khat chiah lawm tur an nei!
PSG hian November ni 7, karleh Thawhlehni khian Milan an luhkhung dawn a; knock out stage luh beiseina nei chhun-zawm tura chak ngei ngei mamawh tawh Serie A club hian San Siro-ah tan an khawh na hle tura ngaih a ni.
Borussia Dortmund khelmualah Newcastle an lut ve thung ang.
Group F hmahruaitu PSG
