March ni 21 atanga ni 23 thlenga S Lungdai-a neih tur, Sertlangpui Group YMA inkhawmpui chu Nilaini khan agriculture minister C Lalrinsanga’n a hmanpui.
Pawl huap zau leh zahawm, Zofate min khaikhawmtu pawl ropui tak YMA kan nei hi kan vannei tak zet a ni tiin minister chuan Sertlangpui Group YMA inkhawmpui vawi 31-na chibai a buk , inkhawmpui thupui ‘Ram leh Hnam humhalh’ tih chu a ngaih pawimawh tak zet thu sawiin Pu C. Lalrinsanga chuan hemi kawng a pawimawh ber chu mi tin mahni hna theuh taima taka kan thawha intohdelh tura theitawp kan chhuah tlan hi a ni a ti.
Khawvel thang chho zelah leilung hausakna , thing leh maute kan ti chereu nasa hle a, tui hna kan tikangchat a, kan ram kan tihchhiat tawh siamtha leh turin theihtawp a tan lak a tul a ni tiin hemi kawngah agriculture department hmalakna leh sorkar hmalakna hrang hrangte lo tawiawm turin mipuite a sawm a ni. |halaite nun khawih buaitu ruihlo do kawngah nasa taka hmalak a ngaih thu a sawi a, zirna lama hma kan sawn theih nan theitawp chhuah turin YMA member kalkhawmte a chah.
Nupui pasal neih kawngah fimkhur a, hnam dang nupui pasala nei lo turin a duh a, rinawmna leh taimakna vawng nunga zel turin a chah bawk.
Group YMA inkhawmpui hmanpui
