Guinea football in chhiatna tawk, mi 50 chuang boral
Guinea khawpui lian pakhat Nzerekore-ah football match khelh laia buaina chhuak avangin mi 56 an thi niin sorkar chuan a sawi.
Prime minister Mamadou Oury Bah chuan hemi chungchang hi sawichhuakin, thil pawi tak a nih thu a sawi a, he thil thlen hun hi pathianni khan a nih thu a sawi a, a bultumtute chu chhuichian a, hremna pek ngei an nih tur thu a sawi a ni.
Doctor pakhat, a hming tarlan loh chuan AFP news agency hnena a sawi danin, damdawi in an thlen hnu thlenga nunna chan an awm thu a sawi a, khelmual chhung leh ruang dahna hmunte chu a khat hneh hle a ti bawk.
Tualchhung media te sawidanin, he inkhelah hian mikhual team lam Labe tantute chuan referee thutluknaa lungawi lovin khelmual chhungah hmanrua an vawm lut a, buaina hi chhuak zuiin, police te chuan tear gas an hman hial thu an sawi.
Khelmual pawn lam thlengin team hnih tantute chuan buaina an nei zui a, hei vang hian nunna chan pawh hi an tam phah hle nia sawi a ni bawk.
Guinea football in chhiatna tawk, mi 50 chuang boral
