Dire Straits guitarist thin Jack Sonni, kum 68, chu August ni 30 khan a thi tih niminpiah khan an puang a, a thihchhan erawh puan a la ni lo. Jack Sonni hian Dire Straits 1985 album ‘Brothers In Arms’-ah khan a pui a, he album hu UK-a album hralh hnem ber pawl a ni zui ta a ni. 1985 Live Aid concerts Wembley Stadium a neihah Dire Straits hi a perform pui bawk a ni.
Jack Sonni hi December ni 9, 1954 khan Indiana, Pennsylvania-ah a puang a, tleirawl chhuah hlim atanga rimawi lama tui a ni a, guitar bakah piano leh tawtawrawt ham te pawh a hnehsawh hle a ni. Jack Sonni hi ‘Dire Straits-a guitar perhtu pakhat zawk kha’ ti a sawi a ni thin a, hei hi amah pawhin a ngai haw lem lo tih a official biography-ah a tarlang nghe nghe a ni.
Dire Strait lead guitarist chu an frontman Mark Knopfler a ni tih kan hre deuh vek ang a, khawvela guitar perh thiam zual thlan chhuah zingah a hming a tel lo thei lo. Mark leh Jack te hi guitar zawrhna dawr atanga an chhar an ni a, chumi hnuah an band album pangana-ah hian thawhpui atan Sonni hi an sawm lut ta a ni.
An album tihchhuah ‘Brothers In Arms’ chu Official UK Albums Chart-ah kat 14 chhung a No.1 a, Billboard 200 (albums) chart-ah pawh kar kua a No.1 a, khawvel pumah copy maktaduai 30 vel hralh angin an chhut a, he album avang hian Grammy pahnih- best music video (Brothers In Arms) leh best rock performance by a duo or group (Money For Nothing) an dawng bawk.
Sonni hian fanu a neih hnuah 1988 khan musician anga a career hi chawlhsanin marketing lamah a kal ta a, Guitar Center-ah vice president (marketing) a ni zui ta a ni.
Guitarist Jack Sonni a thi
