GWR-in khawvela zaithiam lar berah The Weeknd a puang
Guinness World Records chuan The Weeknd, a hming tak Abel Tesfaye, chu khawvela zaithiam lar berah a puang. Hetianga zaithiam lar bera an puanna chhan hi zaithiam lar hran g hrang te Spotify date leh an zirchian hnua an tih a ni a, he streaming platform-a thla tina an hla ngaithlatu an neih tam dan te chu tehna pawimawh zingah a tel.
The Weeknd hi zaithiam zinga Spotify-a thla khata a hla ngaithlatu maktaduai 100 nei tling thei hmasa ber a ni a, February thla tawpah khan he mellung pawimawh hi a thleng a, chutah a hla ngaithlatu te hian kiam lam aiin pun lam an la pan ta zel a, tunah chuan streaming follower hi maktaduai 111.4 a nei tling tawh niin Guinness World Record chuan an tarlang.
The Weeknd hi a sang fal nal nal hle a, a hnaih bertu Miley Cyrus chuan tunah hian thla khata a hla ngaithlatu maktaduai 82.4 a nei a, Shakira (maktaduai 81.6), Ariana Grande (maktaduai 80.6), Taylor Swift (maktaduai 80.2), Rihanna (maktaduai 78.5) leh Ed Sheeran (maktaduai 77.5) ten an dawt.
GWR-in khawvela zaithiam lar berah The Weeknd a puang
