Ukrainian pachak Dmytro Hrunskyi, kum 34, chuan a ha hmangin Guinness World Record a siam a, a record siam pawh a pui khawp mai, a hain car paruk a hnuk tawlh a, a car hnuh tawlh rih zawng belhkhawm chu pound 16,763 (kg 7,600 vel) a ni.
Car zawng zawng hi neutral-ah dah vek a ni a, mahsem a khalhtu an awm a ngai a, anni hian a steering chiah an veng a, car te chu ngil taka an kal theih nan a steering an lo veng a ni.
Hrunskyi hian car paruk, a khalhtu an chuan vek bawkna chu meter 30 (feet 98.4) a thui second 15.63 chhunga a ha ringawt hmanga hnuk thlengin record a siam ta a ni. Car paruk te chu a thlunna hruai hmawrah Hrunskyi hian a seh a, tichuan a hnuk ta a ni.
Hrunskyi chuan, “Hetiang thahrui hman vak ngaihna ang chi hi ka hobby a nia, record chi hrang hrang a tam thei ang ber siam ka tum,” a ti.
Hrunskyi hian 2022 khan a nghawng hmangain rel (train) pound 71,650 (kg 32,500 vel) a rit hnuk tawlhin Guinness World Record a lo siam tawh bawk a ni.
Ha a car hnukin record a siam
