Mizoram Police leh NIT Mizoram tangdun buatsaih, ni thum awh tur, National Level Hackathon event – Hackventure 2.0” chu Thawhtanni khan DGP Mizoram Anil Shukla chuan Police Headquarters-ah a hawng.
DGP chuan Hackathon event chu Mizoram police leh mipui inkara inkungkaihna tha zawk siamna atan bakah tunlai thiamna thar ber ber hmanga kawng hrang hranga police hna puih theihna atana thalai ho thiamna, finna leh hriatna sawrchhuaha hman theiha buatsaih a ni tih a sawi.
Police hnaah data kaihnawih thil a tam avangin database mumal leh tha zawk neih nan leh sualna tam zawk pumpelh a nih theih nan technology chu tangkai zawka hman dan duan a nih ngei a beisei tih a sawi bawk.
Hackventure 2.0 hi Mizoram Police leh NIT Mizoramin Hackathon vawi hnihna niin, he event-a tel tura sawmna hi India ram NIT zawng zawng bakah Mizorama engineering institution hrang hrang hnenah thawn chhuah a ni a. April 10 thleng event hrang hrang neih a ni ang.
Hackventure 2.0 nei mek
