Haiti pui turin Kenya sipaite inpeih
Kenya sipai te chuan Haiti a buaina thleng thin tudai tur leh UN sipai inkulhte tanpui turin November thla hma ngeiin mi 600 chuang an tirh tur thu an sawi.
Kenya president William Ruto leh Haiti interim prime minister Garry Conille te chu zirtawpni khan hemi chungchang sawidun hian an inkawm a, Haiti rama buaina thleng thin hrang hrang tudai tura theihtawp chhuah dun an tum thu an sawi a ni.
An inkawm hnu hian Kenya inspector general of police Douglas Kanja chuan, ‘Kenya sipai 600 chuangte chu Haiti pui turin kan inpeih a, a tul angin training kan pe ang a, buaina hmunah kan che chhuak ve bawk ang,’ a ti.
UN human rights office chhinchhiah danin Haiti ah hian kumin chhung ringawt pawhin tualchhunga intihbuaina thleng vangin mi 3,600 chuangin nunna an chan tawh a, heng intibuaite hi pawl lian tak tak leh lamtang ngah tak tak an nih avangin an ram sipaite pawhin an thunun hneh hlei thei lo a, UN chuan a sipaite a thawn luh belh ta reng a, Kenya pawh hian thawn belh a tum thu a sawi leh ta bawk a ni.
Haiti pui turin Kenya sipaite inpeih
