Halle Berry leh Oliver Martinez te in\henna tifel ta

Halle Berry leh a pasal hlui Oliver Martinez te chuan kum riat zet court lama an inchin kual hnuah an inthenna an tifel ta. Halle Berry leh Oliver te hian kum thum an inneih hnuah October 2015 khan court-ah inthen dilna an lo theh lut a, an an fapa, tuna kum 9 mi ni tawh Maceo enkawltu zawh nih inchuhna avangin an inthenna hi an tifel thei lo reng a, niminpiah khan an inrem thei ta a ni.
Tunah chuan Maceo enkawlna chungchangah thuneihna inang an nei dawn a, hetihrual hian Halle Berry hian Maceo tuition, school uniform leh school mamawh dang zawng zawng a tum ang a, Martinez hnenah hian thla tin an fapa enkawlnan dollar 8,000 a pe ziah ang a, hei bakah hian dollar maktaduai 2 aia tam a hlawhna apiangah 4.3% a pe bawk ang. Heng bakah hian Maceo extracurricular activities zawng zawng pawh Berry hian a tum vek dawn bawk a ni.
Berry leh Martinez te hi 2010 khan Dark Tide an channa atanga inhre tan an ni a, kum thum hnuah an innei zui ta mai a, Halle hian a ex Gabriel Aubry lakah fanu Nahla, kum 15 a nei tawh bawk a ni. Tunah chuan Berry hi musician Van Hunt nen September 2020 atang khan an inzui leh tawh a ni.