Daily Newspaper

Hamilton-a hmachhawp title humhim leh chi inthliarna do

39

F1 driver piang chhuak tawh zinga hlawhtlingber dawttu ni mek Britain chhuanvawr Lewis Hamilton chuan kumin chhunga a hmachhawp puangin, world title a kawl lai humhim leh racism dona kawnga theihtawp chhuah a tum thu a sawi.

Pathianni kaltaa season-opening Austrian Grand Prix-ah khan Formula 1 driver-te chuan intlansiak tan hm^in ‘racism’ dona an lantir a, kha intlansiakah khan defending champion Hamilton chu palina a ni pha chauh nghe nghe.

Mingo lal hrawtna Formula One-a mihang driver awmchhun Hamil-ton chuan: “Ka insawr-bingna tur kawng hnih chu kumin championship-a hnehtu ni tura beih leh mitinin chanvo inang kan chan theuh theihna tura beih hi a ni,” a ti.

Mercedes driver hi Austrian GP-ah khan a talbuai laih a, qualifying an tlan laia yellow flag hnuaia a tlan muan phah loh avangin race-ah three-place grid penalty pek a ni a, Red Bull khalhtu Alexander Albon nen an insut avangin five-second penalty pek a ni leh a, podium lawn pha loin palina daihah a thleng a, chutih laiin a team-mate Valtteri Bottas thung chuan pakhatna a hauh a, championship stan-ding-ah point 13 ngawtin Bottas hian Briton a kalsan m>k .

Red Bull Ring track-ah khan intlansiak tan dawna ‘racism’ dona driver-te’n an pholan tumin F1 driver tam zawk an thingthi a, thingthi ve duh lo driver paruk an awm bawk a; naktuk, Pathiannia Red Bull Ring track bawka Styrian Grand Prix an tlan leh hunah Hamilton hian a thingthi leh dawn em tih a la sawi thei lo.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy