Daily Newspaper

Hamilton-a’n record hnaih zel

10

Intlansiak hnuhnungberah cheche mah se Pathianni Italy ram intlansiak Tuscan F1 Grand Prix-ah hnehna a rawn changkirleh a, a career-a race vawi 90 a chakna chiah niin, hnehna chang ngunber Michael Schumacher-a all-time record tluk turin vawikhat chiah chak a ngai tawh.

Scarperia e San Piero, Tuscany, Italy-a Mugello tlankawngah hian thil thleng tamtak a awm a, safety car pawh hmuh tur awm zutin, driver engemawzat chu chetsual luih luih tuarin an tlanchhuak zo lo a, car 12 chiahin a tawp an thleng zo!

World champion vawiruk ngawt ni tawh Hamilton-a Finnish team-mate Valtteri Bottas chu pahnihnaah thlengin, Ferrari tlankawng Mugello circuit-a intlansiakah Mercedes one-two kan thlirliam a; rin loh takin pathumna chu Red Bull khalhtu Britain rama piang Thai driver Alexander Albon a ni nawlh a, a career-a F1 podium a lawnkai vawikhatna a ni zui ta nghe nghe.

Albon-a Dutch team-mate Max Verstappen chu corner hnihnaa insutbuaina tuarin a tlanchhuak zo lo a, lap khat pawh a tlanchhuak zo lo thung.

A hma chiah race-a pakhatna rawn ni nawlh AlphaTauri driver Pierre Gasly pawh kha Mugello tlankawngah a nui thei ta lo a, lap khat tlanchhuak zo loin a retire ve bawk.

Tun Pathianni race kha tlankawng neitu leh Formula One chanchina team hlawhtlingber ni mek Ferrari tan championship grand prix vawi 1,000 an hmachhawnna chiah niin, mellung chhinchhiahtlak an phun tumin an driver-te an ropui zo leh ta chuang lo a, a thleng hmasa zawk Charles Leclerc chu pariatna a ni pha tawk a, n driver dang Sebastian Vettel chu sawmnaah a thleng thung.
Briton mihang driver ropui Hamilton-a tan erawh tun season intlansiak vawikuaa a vawiruk chakna a ni der tawh a, driver standing lamah amah hnaihbertu Bottas aiin point 55-in a sang tawh a, Pathianni intlansiakah fastest lap ken tel point khat dang a hmuhbelh bawk a, race vawiriat la awmah championship title a kawl lai humhim turin kawng dik a zawh zui zel.

Constructors’ standing lamah pawh Hamilton leh Bottas chhawrtu Mercedes an chungnung chhunzawm zel a, modern era lama race hnehna vawi 100 an chan hnuah point 152-in anmahni umtu hnaivai ber Red Bull an kalsan.

Tuscan Grand Prix-ah kha red flag pahnihin a tikhaihlak a, he race hi kum negemawzat chhunga race buaichuar berte zinga pakhat niin, lap khat pawh an tlan chhuah hm^in car parukin an tawpsan hman!

Kumin F1 race-ah hian mihangte chunga hleilenna dona a langsar hle a, intlansiak hmasa dang ang bawkin intlansiak tan hmaa racism dona (pre-race anti-racism demonstration)-ah he sport-a mihang driver awmchhun Hamilton bawk langsar lehin, a T-shirt chu American mihangte thah ching US police-te demnain a rawn chei a, “Arrest the cops who killed Breonna Taylor.” tih inziak a rawn hachhuak.

He thuziak hian US police officer-te kutz^la thi black civilian engemawzat zinga pakhat Breonna Taylor thattute man ngei tura nawrna a ni.

CFhawlhkar 11 chhunga intlansiak vawi kua tehreng an tlan hnuah ti hian, chawlhkar hnih an chawl det ang a, an tlan leh tur Russian Grand Prix-ah Mercedes chhuanvawr Hamilton chuan race 91 chak thei awm-chhun Schumacher-a record nihrualpui a tum dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy