Daily Newspaper

Hamilton chhawktu Perez

8

Bahrain-ah chawlhkar hnih chhung Formula One grand prix an tlan zawn a, a hmasa zawkah world champion ni fel leh tawh Lewis Hamilton chakin, a hnu lawkah coronavirus a kai tih hmuhchhuah a ni a, tun Pathianni liamta khan Bahrain ram tlankawng lar Sakhir tlankawngah Sakhir Grand Prix an tlan leh tah chuan hripui avanga inkhung ngai Briton Hamilton a inlan thei ta lo a, a theih loh zar zoin Racing Point driver Sergio Perez chuan a career-a F1 race hnehna hmasa ber a sualchhuah theih phah.

Mexican hian season thar atan contract a nei tawh lo a, Sakhir hnehna a chan hnu lawk kha a Formula One career hum zui zel dan kawng a dap tur thu sawichhuakin, a hmabak erawh a ropui lutuk lo niin a lang a, Red Bull lamin an second seat luah tura an sengluh hlauh chuan chu chu tin dinhmuna a innghahna a ni rih.

Arab thlaler tlankawnga hnehna a chan avangin kum 30 mi Perez hian inhamtang turin beiseina a nei thar a, nakumah hian team zawm a nei hman lo a nih pawhin chhe vek anga ngaih tur a nih loh thu leh 2022-ah tal a kirleh theih thu a sawi a, F1 bansan mai a la tum bik lo.

Racing Point chuan Ferrari hnawl hnu four-time champion Sebastian Vettel kha nakum atana Perez thlaktu atan an thlang a, tlankawnga an car pakhat zawk lah team neitu billionaire Lawrence Strolls-a fapa Lance Stroll kut atanga chhuhsak mi rual a ni si lo a, kum 2011-a F1 debut nghakchhuak Perez a hawihai mek a, grand prix vawi 190 a tlan tawha a vawikhat chaka hian engang chiahin nge a career a chhanhim dawn hriat theih a ni rih lo.

Perez hi kum 1970 Belgian GP hnehtu Pedro Rodriguez hnu lama Mexican zinga F1 race hnehna chang leh hmasaber a ni.

Kartawp hian Abu Dhabi-a season kharna an tlan dawn a, Hamilton a inlan hman dawn em a la chiang lo.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy